Хамнас үрдээтэ
02_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copyБэрт соторутааҥҥа диэри Саха сиринээҕи бүддьүөт эйгэтигэр үлэлиир 13 800-чэ киһи тииһинэн олоруу алын кээмэйиттэн (прожиточный минимум) кыра хамнаһы аахсаллара. 2014 сыл т...
Биэнсийэ туһунан
74_copy_copy_copy_copy_copy_copyКэнники сүүрбэ сыл устата дойдубут экэниэмикэтэ сатаан сааһыламматаҕын түмүгэр, киһи күннээҕи аһыгар-таҥаһыгар тиийэр биэнсийэ тиһигэ эмиэ кыайан оҥоһуллубата. Ол иһин, би...
Сүрүн сирэй Олох Криминал Кырдьык үрдүгэр сымыйа ыттыбат

Сонуннар

Олунньу 13 күнэ – Төрөөбүт тыл уонна сурук-бичик күнэ!
28-12-2015 17-08 | Көрдүлэр: 8114
Төрөөбүт тыл уонна сурук-бичик күнүн көрсө, олунньу 13 күнүттэн 21 күнүгэр диэри Саха сирин тө...
Саҥа сокуон инбэлииттэри көмүскүө
28-12-2015 16-54 | Көрдүлэр: 4586
Ил Түмэн ХХ уочараттаах пленарнай мунньаҕар дьокутааттар А.Корякин уонна А.Атласова инбэлиит д...
Максим Аммосов сырдык кэриэһигэр
28-12-2015 16-37 | Көрдүлэр: 4814
“Ахсынньы 22 күнэ – саха норуотун устуоруйатыгар бэлиэ күн. Бу күн, 1897 сыллаахха саха судаар...
Тупсарыы сыл
28-12-2015 16-31 | Көрдүлэр: 19755
2016 сылы Саха Өрөспүүбүлүкэтигэр «Нэһилиэнньэлээх пууннары тупсарыы сылынан биллэрэр туһунан”...
"Мандар ааҕыыларын" түмүктэриттэн
21-12-2015 17-38 | Көрдүлэр: 4317
Кэмпириэнсийэ пленарнай мунньаҕар тыл эппит салалта, учуонай эйгэ ытык дьоно, ыалдьыттар бука ...
Кыайыыны уhансыбыттар
12-11-2015 17-53 | Көрдүлэр: 5167
"КЫЫМ" норуот хаhыата уонна "Будь в курсе" информационнай мобильнай сыһыарыы көҕүлээһиннэр...
ИЯКН дириэктэрэ Г.Г.Торотоев
12-11-2015 17-48 | Көрдүлэр: 4365
М.К.Аммосов аатынан ХИФУ РФ хотугу норуоттарын тылларын уонна култууратын µ³рэтэр Институуту...
Сир сокуонун тула
12-11-2015 17-47 | Көрдүлэр: 5557
Сэтинньи 3 кµнµгэр Сунтаар Устьетыгар улуус Нэ´илиэктэрин ба´ылыктарын сэбиэтэ мустан, 2016 сы...
Тэрилтэлэр, урбаанньыттар бол±ойу²
12-11-2015 17-36 | Көрдүлэр: 4160
Нолуогу судургутуллубут систиэмэнэн (упрощенная система налогооблажения) т³лµ³н ба±арар, ол гы...
Ас-үөл сыанатынан үһүс миэстэлээхпит
08-10-2015 15-36 | Көрдүлэр: 3962
Тыыннаах сылдьарга сиэнэрэ булгуччулаах ыйдааҕы ас дьоҕус нобуора диэн өйдөбүл баар. Нууччалыы...
Петр Наумовы – “Я – гражданин” аакка!
08-10-2015 15-33 | Көрдүлэр: 2870
Хараҕынан бастакы курууппалаах инбэлиит, 65-с хаарын санныгар түһэрбит, Кыайыы 70 сылыгар анаа...
Муостабыт дьылҕата – Кытай инвестордарын илиитигэр?
08-10-2015 15-32 | Көрдүлэр: 2991
Өлүөнэни туоруур муоста дьэндэйэрин кэтэһээччи элбэх. Соторутааҕыта Санкт-Петербурга Росавтодо...
Сочига Арктиканы кэпсэтэллэр
08-10-2015 15-20 | Көрдүлэр: 2880
Сочига, бу дьыл алтынньы 5 к., Арктиканы сайыннарыы боппуруоһунан дьарыктанар судаарыстыба хам...
Өссө 10 оскуола
03-09-2015 20-11 | Көрдүлэр: 2955
СӨ Үөрэххэ министиэристибэтин тиһэх чахчыларыттан көрдөххө, күн бүгүн өрөспүбүлүкэ үрдүнэн уоп...
“Сибиир күүһэ” бигэргэннэ
03-09-2015 20-03 | Көрдүлэр: 2896
Бу күннэргэ премьер Д.Медведев “илин диэки” тардыллар гаас ситимин (ол иһигэр “Сибиир күүһүн”)...
* Бесплатно для абонентов СТК по всей РС(Я), (кроме ТП "Фристайл")

Кырдьык үрдүгэр сымыйа ыттыбат

11.01.2013 17:07 | Автор: Туйаара Сиккиэр | Көрдүлэр: 3302   
Печать

a_e9ec2303Биһиги улуустарынан сылдьан ааҕааччыларбытын кытары элбэхтик көрсөбүт. Дьон-сэргэ наар: “Били... дьыала тугунан түмүктэннэ?” – диэн, ханнык дьыала тугунан бүппүтүн, эмсэҕэлээччилэр кырдьыктарын булбуттарын-булбатахтарын ыйыталаһааччылар.  Онон ааспыт сылга биһиги хаһыаппытыгар тахсыбыт матырыйааллар түмүктэрин, бар дьоммор отчуоттуу таарыйа сырдатарга быһаарынным.

Учуутал кыайыыта

 

Чөркөөх орто оскуолатын учуутала Сергей Бубякин уонна СӨ Оҕо быраабын көмүскүүр боломуочуйалаах Анна Соловьева сууттаспыттарын туһунан хаһыаппытыгар хаста даҕаны суруйан турардаахпыт. Сэтинньи 15 күнүнээҕи нүөмэргэ бу дьыала тугунан түмүктэммитин эмиэ суруйбуппут.

Санатар буоллахха,  2010 сыллаахха “Якутск вечерний” хаһыакка Максим Уланов диэн суруналыыс “Педагоги пригласили в школу экстрасенса. Затравленный ученик покончил с собой” диэн улахан ыстатыйата тахсыбыта. Онно Анна Соловьева бу эдэр учууталы оҕо бэйэтигэр тиийинэн өлүүтүгэр буруйдуур тыл-өс этэн кэмэнтээрий биэрбит этэ. Эбиитин хас мунньах, отчуот аайы, бэл, Арассыыйаҕа тиийэ  учуутал туһунан бэрт хобдох өйдөбүлү үөскэтэн элбэхтик эппитэ-тыыммыта. Боломуочуйалаах манан эрэ тохтооботоҕо, дуоһунаһын туһанан суут-сокуон үлэһиттэригэр эрийэ-эрийэ, эдэр киһиэхэ хаста даҕаны төхтүрүйэн холуобунай дьыала көбүттэрэ сылдьыбыта. Учуутал бу үлүгэр хара балыыртан, сойуолаһыыттан өй-санаа, эт-сиин өттүнэн төһөлөөх охсууну ылбытын бэйэтэ уонна чугас дьоно эрэ билэн эрдэхтэрэ.

Эрдэ суруйан аһарбыппыт курдук, учуутал эрэйдээх сиэрэ суох быһыыга-майгыга, ыар балыырга, буруйга-сэмэҕэ тиксибит этэ. Биһиги хара ааныттан эдэр киһини көмүскүүргэ сананан хаста эмэтэ хаһыаппытыгар бу дьыала туһунан суруйбуппут.

Быйыл олунньу 24 күнүгэр буолбут суукка Соловьева учууталы бүтүн өрөспүүбүлүкэ, Арассыыйа үрдүнэн үтүө аатын-суолун, дьоһунун хараардыбыта толору дакаастаммыта. Суут уурааҕынан боломуочуйалаах учууталга 100 тыһ. солк. моральнай хоромньуну оҥорбутун иһин төлүүр диэн буолбута. Онон эдэр киһи кыайыылаах тахсыбыта. Өскө С.Бубякин саҥата суох олорон хаалбыта буоллар, кырдьыгын олох даҕаны булуо суох этэ. Бу, биллэн турар, учуутал, кини доҕотторун, чугас дьонун, албакааттарын, уопсастыбаннас уонна биһиги уопсай кыайыыбыт, ситиһиибит дии саныыбыт.

 

Сылгылаах

дьон кыайыылара

 

Икки сыллааҕыта Дьокуускай Мархатын суолугар икки массыына Тулагы сылгыларын түҥнэри көтүтэн өлөрбүттэрэ. Сылгылаах дьон өссө даҕаны уон төрүөҕү биэриэхтээх биэлэриттэн ытыс соттон хаалбыттара. Бу дьыала хара бастакыттан кинилэргэ батталлаах өттүгэр иэҕиллибит этэ. Сонно саахал тахсыбыт миэстэтигэр хара бастакыттан сылдьыбыт ГАИ үлэһитин дьыалаттан туоратан кэбиспиттэрэ уонна буруйу барытын боростуой сылгыһыкка түһэрбиттэрэ. Кырдьыгын булбатах эрэйдээх эрэдээксийэбитигэр кэлэ сылдьыбыта.

Биһиги сонно итиитинэ ГАИга ким буруйдааҕын-буруйа суоҕун быһаарар “разборкаларыгар” тиийэ сылдьыбыппыт.  Кырдьык, дьыала уустук этэ. Биһиги төһө эмэ саха сылгыта көрүүгэ-харайыыга наадыйбат, күрүөҕэ-хаһааҕа хаайыллыбат, таптаабыт сиригэр мэччийэр диэн быһаара сатаабыппытын ГАИлар хара ааныттан ылымматахтара. “Сылгыһыт күнүстэри-түүннэри сырса сылдьан бостууктуохтаах этэ”, – дииллэрин кубулуппаттар. Аны туран, суолбут быраабылатыгар кытары эмиэ оннук сурулла сылдьар. Жатайдааҕы суут судьуйата Петраков эмсэҕэлээччилэри – сылгылаахтары бэйэлэрин – буруйдаах оҥорбут этэ. Эбиитин  массыыналаах дьон тимир көлөлөрө алдьаммытын иһин, били сылгыһыттар өссө харчы төлүүрдээх хаалбыттара. Тыа сирин дьонугар-сэргэтигэр хайдахтаах кыһыылаах, абалаах уурааҕый?! Харах тэстэринэн иһиирдэн кэлэн, сылгыларын түҥнэри көтүтэн өлөрөн кэбиһиэхтээхтэр, өссө сыаналаах массыыналарын алдьаттарбыт аатыран сылгыһыттар эрэйдээхтэр төлүүрдээх хаалыахтаахтар үһү...

Бу кэнниттэн биһиги иккитэ-үстэ улахан матырыйаал таһаара сылдьыбыппыт. Сылгыһыттар хаттаан сууттаһан кырдьыктарын булбуттара. Бу сырыыга кыайыы кинилэр диэки буолбута. Эбиитин массыыналаах дьон өлөрбүт биэлэрин иһин  бэйэлэрэ төлүүргэ күһэллибиттэрэ. Эмсэҕэлээччи “хоттордум” диэн олорон хаалбакка, кырдьыгын булла диэххэ сөп. Онно биһиги суруйуубут күүс-көмө буолбута саарбаҕа суох. Уопсайынан, ирдэһии, кыайыыга дьулуур, хаһыат дьайыыта – ханнык баҕарар киһиэхэ күүһү, кыаҕы, кыайыыны эрэ аҕалар эбит диэн өссө төгүл итэҕэйдим.

 

Эмсэҕэлээччилэр

кырдьыктарын

булбуттара

 

Былырыын атырдьах ыйын 30 күнүгэр Бүлүү Үгүлээтигэр буолбут ыар өлөрүү туһунан иккитэ суруйан турардаахпыт. Кулун тутар 1 күнүгэр “Буруйдуур миэрэ тоҕо чэпчээтэ?”, ол кэннэ ыам ыйын 17 күнүгэр “Буруйдаах тоһун ылла” диэн матырыйааллар тахсыбыттара. Маныаха өлбүт уол дьоно уолларын кыыллыы өлөрөн баран, буруйдаах сэттэ эрэ сылга көҥүлэ быһыллыбытын кытары сөбүлэспэттэрин биллэрбиттэрэ. Бүлүүтээҕи суут дьыаланы үрдүнэн-аннынан көтүмэхтик көрбүтүн, эмсэҕэлээччилэр интэриэстэрин аахсыбатаҕын, баар дакаастабыллары, туоһулары көрбөтөҕүн-ыйыталаспатаҕын, буруйдааҕы көмүскүүр эрэ интэриэстээҕин туһунан сиһилии суруйбуппут.

Маныаха иккис суукка баар дакаастабыллар, туоһулар буруй хайдах курдук сидьиҥник оҥоһуллубутун ырылыччы көрдөрбүттэр. Эмсэҕэлээччи көмүскээччитэ буруйдаах хас биирдии дьайыытыгар толору дакаастабыллары биэрэн, сууттанааччы чахчы ыар буруйу оҥорбута ыраас мууска ууруллубута. Инньэ гынан, киһини өлөрбүтүн иһин 105 ыст., 1 ч. көҥүлэ быһыллан накаастабылын болдьоҕо түөрт сылынан эбиллэн биэрбитэ. Буруйдаах, биллэн турар, Үрдүкү суукка ааһыммыта да, тугу даҕаны ситиспэтэҕэ.

 

Дьахтар буруйдааҕа дакаастаммыта

 

Олунньу 9 күнүгэр “Буруйу тоҕо дьахтарга түһэрдилэр?” диэн матырыйаал тахсыбыта. Үөһээ Дьааҥы Бала диэн кыра дэриэбинэтигэр Гороховтар баара-суоҕа 20 эрэ саастаах соҕотох уолларын өлөрөн кэбиспиттэрэ. Саҥа дьыл түүн уол кулуупка сылдьан баран, өлөр быата тардан эбитэ дуу, сарсыарда ыалларыгар Даниловтарга киирбит. Силиэстийэ көрдөрөрүнэн, дьиэлээхтэр ол күнү быһа хас даҕаны буолан “бырааһынньыктыы” сылдьыбыттар. Ыал ийэтэ уруккуттан даҕаны иһэр-аһыыр, оҕолорун көрбөккө-харайбакка төрөппүт быраабыттан быһылла, эбиитин оҕотун кырбаан сууттана сылдьыбыт. Уолу ким өлөрбүтэ бу диэн биллибэт этэ. Унньуктаах уһун суут түмүгүнэн, дьахтар буруйа бүтүннүү дакаастанан, алта сылга хаайыллыбыт. Дьиҥэр, өссө элбэх сылга барыаҕын, элбэх оҕолооҕунан сибээстээн, накаастабылын чэпчэппиттэр.

Бу дьыала киэҥ эйгэҕэ биллибэтэҕэ буоллар, баҕар, олох даҕаны буруйдаах көстүбэккэ, дьыала сабыллан хаалыа эбитэ буолуо...   Хаһыакка тахсан, син харах далыгар киирдэҕэ. Дьиҥэ, киһи хаайыллара   туох үчүгэйдээх буолуой?! Ол гынан баран буруйу оҥорбут киһи толору эппиэттиэхтээх, накаастабылы сүгүөхтээх, көҥүлэ быһыллан толкуйданыахтаах, көнөр суолга үктэниэхтээх.

 

Уорбаланааччы

хаайыллыбыта!

 

Ханнык баҕарар буруй үксэ арыгылааһынтан, быстах санааттан оҥоһуллар. «Итирик киһи иирбит кэриэтэ» диэн дэлэҕэ этэн эриэхтэрэ дуо?! Бэйэтин хонтуруолламмат буолуор диэри итирбит киһи тугу гынарын, кими кырбыырын, өлөрөрүн  хантан билиэй?! Төһөлөөх үчүгэй, үтүө дьон арыгы иһэн маннык ыар буруйга тиксэллэрэ буолуой?! Кинилэр чугас дьонноругар, кэргэттэригэр, төрөппүттэригэр төһөлөөх ыараханын сэрэйиэххэ эрэ сөп. Ол гынан баран,  сокуон этэринэн, ханнык баҕарар уорбаланааччы суут буолуор диэри хайаан даҕаны хаайыллыахтаах. Бу сокуон ханнык баҕарар киһиэхэ дьайар. Урукку өттүгэр хайдахтаах да үчүгэй киһи буоллун.

Сэтинньи 1 күнүгэр «Уорбаланааччы тоҕо көҥүлгэ сылдьар?» диэн төбөлөөх матырыйаал тахсыбыта. Кылгастык билиһиннэрэр буоллахха, Сунтаар Куокунутугар алтынньы 2 күнүгэр киһи өлүүлээх быһылаан буолбута. Силиэстийэ кэмигэр биллибит дакаастабыллар көрдөрөллөрүнэн, быһылааҥҥа быһаччы сыһыаннаах туоһулар көрдөрүүлэринэн, ким буруйдаах буолуон сөбө биллибит этэ. Тоҕо эбитэ буолла, Сунтаардааҕы силиэстийэлиир кэмитиэт силиэдэбэтэлэ “уорбаланааччыны хаайыахха” диэн төһө эмэ туруорса сатаабытын үрдүнэн, суут уурааҕынан босхолоон кэбиспиттэр. Борокуруор көмөлөһөөччүтэ Тарасов онуоха тоҕо эрэ болҕомтотун уурбатах. Хаһыакка матырыйаал тахсыбытын кэннэ, биллэн турар, айдаан тахсан, бэрэбиэркэ ыытыллан уорбаланааччы хаайыллыбыта.

Бу уол төрөппүттэрэ бука диэн бырастыы гынныннар, ол гынан баран ааҕааччылар кырдьыгы билиэхтээхтэр, эмсэҕэлээччилэр кырдьыктарын булуохтаахтар.

 

Түмүк оннугар

 

Бу, биллэн турар, бэрт аҕыйаҕы суруйдум. Сорох дьыала матырыйаал тахсыбытын кэннэ хаттаан силиэстийэлэнэ сылдьар. Онон “оннук буолла, маннык буолла” диэн этэр уустук. Оттон дьыаланы мөлтөхтүк силиэстийэлээбит суут-сокуон үлэһиттэрэ ситэтэ суохтук үлэлээбит, дуоһунастарын туһанан дьыалаҕа мэһэйдэспит буоллахтарына, миэрэҕэ тардыллаллара, үлэлэриттэн уһуллаллара биллэр. Ис дьыала министиэристибэтин пресс-сулууспата иһитиннэрэринэн, хаһыакка тахсыбыт хас биирдии дьыала болҕомтоҕо ылыллар, бэрэбиэркэҕэ ыытыллар.  Кырдьык үрдүгэр сымыйа ыттыбат. «Сиэрэ суох силиэстийэ, суут буолла, атаҕастанныбыт, кырдьыкпытын булбатыбыт» дии санаатаххытына, кытаатан сууттаһан, үҥсүһэн иһиҥ. Оччоҕо эрэ кырдьыккытын булуоххут, кыайыы үктэллэниэххит! «Ытаабат оҕону эмсэхтээбэттэр» диэн өс хоһоонун умнумаҥ.

 



Доҕоттор кэпсээ

Гороскоп

01_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy

2014 сыл гороскоба

Доруобуйа, күүс-кыах да тупсар сыла иһэр. Үтүө дьайыылаах уларыйыы тахсар сибикитэ улахан. Урукку сылларга холоотоххо, ыарахан таһаҕаһы бырахпыт курдук…

RSS-Лента