Арассыыйа олохтоохторун дохуота ипотеканан кыбартыыра атыылаһарга ырааҕынан эппиэттэспэт буолбут – икки төгүл.
Билигин дойду олохтоохторо, ортотунан, 60 тыһыынча солкуобайы аахсаллар. Оттон оччо дохуот ипотеканан икки хостоох кыбартыыраны ыларга хайдах да тиийбэт. Икки хостоон кыбартыыраны ылар туһугар, кырата 120 тыһыынча дохуоттаах буолуохтааххын. Киһи соһуйуон иһин, хамнаска саамай улаханнык – үс төгүл – араастаһыылаах түөлбэ Москуба куорат буолбут. Онно орто хамнас 131 тыһыынча солкуобай буоллаҕына, ипотека ыларга ыйга 380 тыһыынча дохуоттаах буолуохтааххын.
Итини таһынан, эспиэрдэр бастакы төлөбүр (первый взнос) сууматыттан саллаллар. Холобур, эмиэ Москубаҕа, бастакы төлөбүр 5,4 мөлүйүөн солкуобайтан, оттон Санкт-Петербурга 3,3 мөлүйүөн солкуобайтан итэҕэһэ суох буолуохтаах. Судургутук эттэххэ, бастакы төлөбүр бэйэтэ биир дьоҕус кыбартыыра сыаналаах.
