Ааспыт сыл устата Кэбээйи улууһугар бөрө үөрэ мэнээктээн, «Сэбээн» дьиэ табатын иитииннэн дьарыгырар хаьаайыстыба  2 тыһыынчаттан тахса табатын сүтэрэн турар. Хоромньу мөлүйүөнүнэн солкуобайга тэҥнэспитэ. Саха сирин территориятыгар нуорма быһыытынан тыһыынча бөрө олохсуйара сөп эбит буолла±ына, билигин ³р³спµµбµлµкэ үрдүнэн 4 тыһыынча бөрө баара бэлиэтэнэр. Онон тыа хаһаайыстыбатын уонна ас-үөл политикатын министиэристибэтин суһал ыстааба тэрийэн ыыппыт  мунньаҕар этиллибитинэн, быйыл бөрөнү утары охсуһууга тиһиктээх үлэ ыытыллыахтаах.

Кэбээйи улууһун тыа хаһаайыстыбатын салаатын салайааччыта Иннокентий Николаев: «Быйыл бу үлэҕэ  министиэристибэ 14 мөлүйүөн солкуобайы көрөр буолла. Мантан 4 мөлүйүөн 700 тыһыынча – самолетунан сылдьан бултаһыыга, 4 мөлүйүөн – сиринэн бултуур биригээдэлэри үбүлээһиҥҥэ итиэннэ бириэмийэҕэ – 6 мөлүйүөн 750 тыһыынча солкуобай тыырылынна. Маныаха МИ-8 вертолтенунан бултуур буоллахха, бу харчы 31-тэн эрэ тахса чааска сөп түбэһэр. Онон, билигин Булт департаменын кытта арыый чэпчэки сыаналаах вертолету көтүтэр боппуруоһу көрөбут. Биһиги улууска бөрө мэнээктээбитигэр, бу кыылы бултаһыыга бобуу биллэриллибитэ төһүү буолла. Ол эрээри бэйэни уонна хаһаайыстыбаны харыстыыр сыалтан бөрөнү бултаһыы көҥүллэниэн сөп диэн быһаарыстыбыт,» – диэн иһитиннэрдэ.