Олунньу 10 күнүнээҕи туругунан, Саха сиригэр 2967 киһи саҥа хоруона вируһунан сутулунна.
Суһал ыстаап киинэ төһө тиэст чинчийиллибитин уонна оройуоннарга ыалдьыбыт киһи ахсаанын ыйбатах.
Биллэринэн, суукка иһигэр 4576 киһи үтүөрбүт, оттон бэҕэһээ 4830 эбит.
stopcovid19.sakha.gov.ru саайка сурулларынан, киин куораппытыгар ыалдьааччы ахсаана 2887.
Федеральнай суһал ыстаап киинэ суруйбутунан, олунньу 9 күнүгэр 260 киһи ыалдьан, балыыһаҕа киирбит. Оттон, өрөспүүбүлүкэтээҕи суһал ыстаап киинэ этэринэн, ааспыт сууккаҕа 105 саҥа ыалдьыбыт киһи балыыһаҕа утаарыллыбыт.
Быһыы бастакы кэмпэниэнин 583 270 киһи ылбыт, бу улахан дьон нэһилиэнньэтин 81,3% ылар. Хаттаан быһыыны 134 224 киһи ылбыт, бу хос ылыахтаах дьон 56,0% эбит.
Быһыыны бытааннык ылыы тэтимэ Нерюнгри (45,0%), Мэҥэ-Хаҥалас (46,3%), Алдан (47,7%), Өймөкөөн (47,8%), Мииринэй (50,4%), Горнай (53,8%) оройуоннарыгар уонна Дьокуускай куоракка (49%) бэлиэтэнэр.
