Хой
Улахан суолталаах хамсааһыннар барыта сири-буору аннынан, күлүккэ буолуохтара. Холобур, саҥа дуоһунаска ыҥырыахтара. Чып кистэлэҥинэн. Массыыналаах дьон суолга сэрэхтээх буолуҥ. Чуумпутук, дьон хараҕар хатаммат курдук сырыт. Дьыалаҕа-куолуга бэрэбиэркэ баар.
Оҕус
Доҕоттор, дьүөгэлэр көргө-нарга ыҥырдахтарына батынан кэбиһимээ. Бэйэҕинээҕэр аҕа саастаах киһини кытта билсиһиэҥ. Нэдиэлэ бүтүүтүгэр соһуччу дьайыылар, хамсаныылар буолуохтара. Онон былаан-той уларыйыыһы. Билиигэ-көрүүгэ тардыһыыҥ улааппыт. Интэриниэт ситимэ баһылыыр-көһүлүүр содула улахан буолуон сөп.
Игирэлэр
Уопсастыбаннас болҕомтотугар киириэҥ. Биллэр-көстөр дьон кэккэтигэр киирбит курдук сананыаҥ. Үлэҕэр эрэсиимҥин көрүн. Саҥаттан өрө-таҥнары тутар уолдьаспыт. Кэргэҥҥин кытта элбэх дьонноох тэрээһиҥҥэ барбаккар сүбэлиэ этибит. Холобур, урууга.
Араак
Ыал араактарга дьоллоох кэм. Эрэллээх доҕордооххуттан үөр-көт. Суут-сокуон эйгэтигэр кэпсэтии этэҥҥэ бара турар. дуогабар сатабыллаахтык түһэрсиллиэ. Өй-санаа сырдык, бөҕөх. Нэдиэлэ бүтүүтүгэр тумуу буулуон сөп.
Хахай
Эмтэнэр, доруобуйаҕын көрүнэр кэм. Ыарыыны, кыра да бааһы дьаалатынан ыытан кэбиһимэ. Куһаҕан дьаллыккыттан босхолонон кэбиһиэххин эмиэ сөп. ол оннугар туһалаах дьарыгы бул. Холобур, хаамыы, сүүрүү. Кэргэҥҥин кытта “орон оонньуутугар” ураты тыҥааһын баара биллиэ.
Кыыс
Бу нэдиэлэ бүүс бүтүннүү дьиэ кэргэҥҥэ ананыахтаах. Кэргэнниилэр араас тэрээһиҥҥэ барытыгар сиэттиспитинэн сылдьаргыт ордук. Урууга бардыбыт, циркэҕэ сылдьыахха диэтэҕинэ батыныма, барытыгар үөрүүнэн сөбүлэһэн ис. Бэйэҕит сыһыаҥҥытыгар кими да булкуһуннарымаҥ.
Ыйааһын
Күннээҕи түбүгүҥ – эн дьолуҥ. Сууйуу-сотуу, ыраастаныы. Дьиэтээҕилэргэр сорудаҕы тэҥҥэ үллэртээ. Таҥнан сырыт. Тумуулуур куттал улахан. Халтараан улаатар, онон оргууй аҕай сырыт. Саҥа киһини кытта билсиһэргиттэн туттуна сатаа.
Скорпион
Олус өрө күүрэн сылдьаҕын. Омуннааххын. Тугунан эрэ үлүһүйэҕин. Тус олоххор соһуччу уларыйыылар буолан барыахтара. Дискэтиэкэҕэ, кэнсиэркэ, тыйаатырдарга аналгын көрсүөҥ. Соҕотох скорпионнар ыал буолар кэмҥит уолдьаспыт. Нэдиэлэ бүтүүтүгэр харчы тиийбэтиттэн сылтаан дьыала-куолу хаахтыйыыһы. Онно буруйдаах – бэйэҥ эрэ.
Охчут
Дьиэҕэр-уоккар улахан болҕомтону уур. Улахан, туһалаах малы-салы атыылас. Кэпсэтии бөҕөтө күөдьүйүө. Ол барыта кэлэр кэскилгит туһугар. Тыҥааһыннаах сыһыаны күүркэтимэ, дириҥэтимэ.
Чубуку
Элбэх дьону кытта кэпсэтэргэ, аалсыһарга бэлэм буол. Ол билсиһиигин барытын хонтуруолга тутуохтааххын. Тус олоҕуҥ туһунан кэпсээмэ. Үөрэҕи ыларга ордук тоҕоостоох күннэр. Ыраах айаны, дьоһуннаах көрсүһүүнү үлэ күнүгэр эрэ былааннаа.
Күрүлгэн
Бу нэдиэлэҕэ атыылаһар уонна ырар кыһалҕа эрэ турар. Харчыҥ добуочча баар эбит. Арааһы-барытын атыылаһыыһыккын. Астыныаҥ. Элбэх астаах-үөллээх тэрээһиннэртэн ыраах сырыт. Сыыһа аһаан кэбиһэн доруобуйаҥ бүдүрүйэн ылыан сөп. Харчыттан сылтаан доҕору-атаһы кытта сыһыан тымныйыа.
Балыктар
Бэйэҥ ааккын ааттатарга дьулууруҥ улааппыт. Көҥүл көтүөххүн, соҕотоҕун арбаныаххын баҕарар буолбуккун. Тас көрүҥҥүн уларытарыҥ, тупсарарыҥ дьон хайҕалын ылыа. Ырааҕы ытар дьаһаллары ылын, былааннаа. Нэдиэлэ бүтүүтүгэр, өрөбүллэргэ салалта бас-баттах барарыттан эмсэҕэлиэххин сөп.
