Саха сиринээҕи олохтоох хамсааһыннары өйүүр Бырагыраамма чэрчитинэн, Дьокуускай куоракка - Үөрэҕи бүтэрээччилэр, Ыччат, Ускуустуба, Билии – саҥа искибиэрдэрэ дьэндэйиэхтэрэ.
Уон саамай бастыҥ куораты тупсарыы бырайыактара Саха сиринээҕи Үп министиэристибэтиттэн 3 – түү мөлүйүөн субсидия ылыахтара. Олохтоох хамсааһыннары өйүүр Бырагыраамма чэрчитинэн. Сүүмэрдээһини этэҥҥэ аастылар Автодорожнай, Киин уокуругтара уонна куорат таһынааҕы Табаҕа сэлиэнньэтэ. Барыта бу бырайыактары «Дьокуускай куорат» муниципальнай уокурук иһинэн олоххо киллэриигэ – 26 мөлүйүөн солкуобай көрүллүөҕэ.
"Үөрэҕи бүтэрээччилэр" искибиэрдэрэ
Автодорожнай уокурукка – «Ыччат искибиэрэ» тутуллуо. Бу бырыайыак “Ыччат – куорат сайдар күүһэ” оонньуу кыайыылаахтарынан көҕүлээһиннэринэн сүүмэрдээһиҥҥэ кыттыбыта. Оччолорго, бу бырайыак билиҥҥи куорат баһылыгын солбуйааччы Евгений Григорьев үрдүк сыанабылын ылбыта, салайаччы тустаах дьоҥҥо бырайыагы өйүүллэригэр этии киллэрбитэ.
«Көҕүлэччилэри кытары биһиги искибиэр ханна туруохтааҕын торумнаспыппыт, дизайн-бырайыагын бэлэмнээбиппит. Ыччаттар бэрт кыһанан, кичэллээхтик Автодорожнай уокуругу кытта тэҥҥэ сайаапка түһэрсибиттэрэ. Биһиги билигин уопсай сыалбыт-сорукпут – саҕалаабыт бырайыакпытын таһаарыылаахтык олоххо киллэрии», - диэн бэлиэтиир Дьокуускай куорат архитектураҕа салалтатын уонна градостроительнай бэлиитикэтин кылаабынай архитектора Семен Сергеев.
"Ыччат" искибиэрэ
Автодорожнай уокурукка, маны таһынан сөбүлэҥи өссө биир сайаапка ааста. Ол курдук манна – «Алгыстаах Аартык» диэн “Үөрэх бүтэрээччилэр” уопсасытыбыннай эйгэни кытары биир ситимнээх искибиэр арыллыаҕа. Бу искибиэр – Сылаас Күөл кытылыгар олохтонуоҕа.
"Ускуустуба" искибиэрэ
"Билии" искибиэрэ
Оттон Табаҕа сэлиэнньэтигэр «Ускуустуба» уонна «Билии» киэҥ-куоҥ, сырдык искибиэрдэрэ дьону-сэргэни угуйуохтара.
Ону таһынан, кытаанах сүүмэрдээһини аастылар: Залог оройуонун тупсарыыга уонна уутун-хаарын харайыыга сайаапкалар, итиэннэ 10 № - дээх оҕо уһуйаанын спортивнай хонуутун сымнаҕас эрэһиинэ кыырпаҕынан тэлгээһин, “Тускул” микрорайон суолун-ииһин кутуу, грейдерынан астарыы; Табаҕа сэлиэнньэтигэр Аҕа Дойду сэриитигэр Улуу Кыайыы пааматынньыгын тутуу, «128 – ыс кыбаартал сынньалаҥ сирэ» уопсастыбыннай эйгэ, Ф.И. Авдеева аатынан Оҕо Айар Дыбарыаһын киирии сирин өрөмүөннээһин.
Дьокуускай куорат иһинэн уопсастыбаны, көрдөрөр-иһитиннэрэр эйгэни кытары сибээс уонна хардарыта үлэ Департамена
