Хамнас үрдээтэ
02_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copyБэрт соторутааҥҥа диэри Саха сиринээҕи бүддьүөт эйгэтигэр үлэлиир 13 800-чэ киһи тииһинэн олоруу алын кээмэйиттэн (прожиточный минимум) кыра хамнаһы аахсаллара. 2014 сыл т...
Биэнсийэ туһунан
74_copy_copy_copy_copy_copy_copyКэнники сүүрбэ сыл устата дойдубут экэниэмикэтэ сатаан сааһыламматаҕын түмүгэр, киһи күннээҕи аһыгар-таҥаһыгар тиийэр биэнсийэ тиһигэ эмиэ кыайан оҥоһуллубата. Ол иһин, би...
Сүрүн сирэй Сонуннар 2014 сыл гороскоба

Сонуннар

Олунньу 13 күнэ – Төрөөбүт тыл уонна сурук-бичик күнэ!
28-12-2015 17-08 | Көрдүлэр: 7412
Төрөөбүт тыл уонна сурук-бичик күнүн көрсө, олунньу 13 күнүттэн 21 күнүгэр диэри Саха сирин тө...
Саҥа сокуон инбэлииттэри көмүскүө
28-12-2015 16-54 | Көрдүлэр: 4043
Ил Түмэн ХХ уочараттаах пленарнай мунньаҕар дьокутааттар А.Корякин уонна А.Атласова инбэлиит д...
Максим Аммосов сырдык кэриэһигэр
28-12-2015 16-37 | Көрдүлэр: 4339
“Ахсынньы 22 күнэ – саха норуотун устуоруйатыгар бэлиэ күн. Бу күн, 1897 сыллаахха саха судаар...
Тупсарыы сыл
28-12-2015 16-31 | Көрдүлэр: 15257
2016 сылы Саха Өрөспүүбүлүкэтигэр «Нэһилиэнньэлээх пууннары тупсарыы сылынан биллэрэр туһунан”...
"Мандар ааҕыыларын" түмүктэриттэн
21-12-2015 17-38 | Көрдүлэр: 3844
Кэмпириэнсийэ пленарнай мунньаҕар тыл эппит салалта, учуонай эйгэ ытык дьоно, ыалдьыттар бука ...
Кыайыыны уhансыбыттар
12-11-2015 17-53 | Көрдүлэр: 4687
"КЫЫМ" норуот хаhыата уонна "Будь в курсе" информационнай мобильнай сыһыарыы көҕүлээһиннэр...
ИЯКН дириэктэрэ Г.Г.Торотоев
12-11-2015 17-48 | Көрдүлэр: 3908
М.К.Аммосов аатынан ХИФУ РФ хотугу норуоттарын тылларын уонна култууратын µ³рэтэр Институуту...
Сир сокуонун тула
12-11-2015 17-47 | Көрдүлэр: 5068
Сэтинньи 3 кµнµгэр Сунтаар Устьетыгар улуус Нэ´илиэктэрин ба´ылыктарын сэбиэтэ мустан, 2016 сы...
Тэрилтэлэр, урбаанньыттар бол±ойу²
12-11-2015 17-36 | Көрдүлэр: 3800
Нолуогу судургутуллубут систиэмэнэн (упрощенная система налогооблажения) т³лµ³н ба±арар, ол гы...
Ас-үөл сыанатынан үһүс миэстэлээхпит
08-10-2015 15-36 | Көрдүлэр: 3605
Тыыннаах сылдьарга сиэнэрэ булгуччулаах ыйдааҕы ас дьоҕус нобуора диэн өйдөбүл баар. Нууччалыы...
Петр Наумовы – “Я – гражданин” аакка!
08-10-2015 15-33 | Көрдүлэр: 2551
Хараҕынан бастакы курууппалаах инбэлиит, 65-с хаарын санныгар түһэрбит, Кыайыы 70 сылыгар анаа...
Муостабыт дьылҕата – Кытай инвестордарын илиитигэр?
08-10-2015 15-32 | Көрдүлэр: 2681
Өлүөнэни туоруур муоста дьэндэйэрин кэтэһээччи элбэх. Соторутааҕыта Санкт-Петербурга Росавтодо...
Сочига Арктиканы кэпсэтэллэр
08-10-2015 15-20 | Көрдүлэр: 2581
Сочига, бу дьыл алтынньы 5 к., Арктиканы сайыннарыы боппуруоһунан дьарыктанар судаарыстыба хам...
Өссө 10 оскуола
03-09-2015 20-11 | Көрдүлэр: 2624
СӨ Үөрэххэ министиэристибэтин тиһэх чахчыларыттан көрдөххө, күн бүгүн өрөспүбүлүкэ үрдүнэн уоп...
“Сибиир күүһэ” бигэргэннэ
03-09-2015 20-03 | Көрдүлэр: 2571
Бу күннэргэ премьер Д.Медведев “илин диэки” тардыллар гаас ситимин (ол иһигэр “Сибиир күүһүн”)...
* Бесплатно для абонентов СТК по всей РС(Я), (кроме ТП "Фристайл")

2014 сыл гороскоба

23.09.2013 08:19 | Автор: Кыым | Көрдүлэр: 64059   
Печать

01_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy

Доруобуйа, күүс-кыах да тупсар сыла иһэр. Үтүө дьайыылаах уларыйыы тахсар сибикитэ улахан. Урукку сылларга холоотоххо, ыарахан таһаҕаһы бырахпыт курдук сананыаххыт. Юпитер планета эһиги дьиэҕитигэр бэс ыйыттан от ыйын ортотугар диэри ыалдьыттыа. Бу кэмҥэ үгүс хойго дьиэни-уоту кэҥэттии, саҥаҕа көһүү дьоллоох түгэнэ тосхойууһу. Быһата, дьиэ кэргэҥҥэ, дьиэҕэ сыһыаннаах үчүгэй түгэн элбэх. Таптал чааһыгар, сүнньүнэн, сайын табыллыаххыт. Үөрүү сыдьаайар. Оҕолонуон санааччы ырата бу кэмҥэ туолуон сөп. Үпкэ-харчыга болҕомтолоох сыһыан эрэйиллэр. Таайан көрөр дьоҕургутугар эрэниҥ. Быһата, бу иннинээҕи 3 сылга уустук эбит буоллаҕына, быйылгыттан олоххут сырдык балаһата саҕаланар. Карьераҕа соһуччу уларыйыы тахсан турдаҕына да көҥүлэ. Дуоһунас да, хамнас да үрдүүр кыаҕа балай эмэ.

 

Оҕус

Ис кыаххытын уонна олоххут тутаах хайысхатын билэргэ бу сыл көмөлөһүө. Буолар быһыыны-майгыны сүрэххитигэр олус чугастык ылынымаҥ. Сэрэнэ дьаһанан, таһаарыылаах үлэни ситиһэргэ дьулуһуҥ. Ыал дьон, чугастыы сыһыаҥҥа киириэн баҕалаахтар, анаан тургутан көрөр түгэннэр баар да буоллахтарына, аймаммакка, баар балаһыанньаҕа толкуйдаан дьаһаныҥ.  Биисинэскэ ити эмиэ сыһыаннаах.  Эппиэтинэстээх буоларга үөрэниҥ. Көдьүүһэ суох дии саныыр сыһыаҥҥытын хайаан да харыстыахтаахпыт диэн албыннанымаҥ. Бэлиэр баарга болҕойуҥ, ис кыаҕы туһаныҥ, ырааҕынан кыырайа көтөр туруйа кыылга саантаан, тутуоҕу да туппакка хаалар хобдох түгэн баарын умнумаҥ. Духуобунас уонна айымньылаах үлэ туругурар сыла. Мантан ыла өссө 13 сыл устата доҕор чааһыгар эппиэттээх Нептун эһиэхэ олохсуйар. Сыл бастакы аҥаарыгар доруобуйаҕытыгар болҕомтолоох буолуҥ.

Игирэлэр

Тииҥ курдук биир кэм хачыгырайан тахсар идэлээххит. Быйыл арыый уоскуйан үп-харчы, бас билии, актыып өттүгэр болҕойуоххут. Онуоха омос көрүүгэ дуона да суох курдук түгэннэри сыныйан көрүҥ.

Тургутан көрүү курдук баар да буоллаҕына, түмүгэр эһиги сүүйүүлээх хааларгытыгар эрэниҥ. Туһата суох эбэһээтэлистибэттэн, кыһалҕаттан атыны аҕалбат дьонтон тэйэргит ордук. Бу сыл эһиэхэ бэркэ ааһыа. Уопсастыбаннай үлэни сэҥээриэххитин сөп. Сыл бастакы аҥаарыгар үп-харчы боппуруоһа төбөҕүтүн ыарытыннарыа суоҕа. Үс куобаҕы тэҥҥэ эккирэтимэҥ. Балай эмэ уларыйыы тахсар чинчилээх. Олоҕу хайдах баарынан ылына үөрэниҥ. Сиэри таһынан ирдэбиллээх буолуу соччото суох. Быйыл өлгөм үлэ күүтэр, ол эрээри онтугут халтайга хаамыы, сииккэ сиэлии буолуо суоҕа. От ыйын ортотугар диэри сүрүн болҕомтоҕут үпкэ-харчыга туһаайыллыа. Ол кэннэ үөрэх, дьоннуун алтыһыы, доруобуйа уонна үлэ тилэх баттаһыахтара.

Араак

Сүрүн сыалгыт-соруккут: сүрэххит тугу этэрин өйдөөн, ону сөпкө туһаныы. Икки инники сыл судургута суох ааспыта. Ол тухары күүһүрдүгүт, кытааттыгыт. Тугу ситиспиккит барыта – эһиги дьаныардаах үлэҕит, көмүс көлөһүҥҥүт үтүө түмүгэ. Ол хардата быйыл  өссө эбиллиэ. Ол туоларын туһугар духуобунас уонна өй-санаа өттүнэн сайдарга кыһаныҥ. Ханнык да салаа буоларыттан тутулуга суох инники күөҥҥэ сылдьыаххыт. Барыта тута туола да охсубатар, сыыйа барыта олоххо киирэн иһиэ. Урукку быраабылаттан аккаастанар ордук. Соҕотохсуйан ылар түгэн күөрэйдэҕинэ, ону үчүгэй өттүнэн эргитэн туһанарга дьулуһуҥ. Сылайыы-сындалыйыы да баар буолуоҕа, ол оннугар атын хайысхаҕа ситиһии сэтиилэнэргит эрэбил.

Дьаныардаах уонна үлэһит араактарга үчүгэй сыл иһэр. От ыйын ортотуттан олоххут биллэ тупсуо. Сыл икки да аҥаарыгар үп-харчы өттүгэр уустугу көрсөр чинчигит көстүбэт. Ол эрээри наар маннык табыллан иһиэ диэн ыһыктыбаккыт ордук.

Хахай

Бэйэлэрин биллэрэри, болҕомтоҕо сылдьары сөбүлүүр хахайдарга быйыл бэртээхэй сыл. Сүүрүк устун олорсон айаннаабыккыт быйыл да салҕанар чинчилээх. Доруобуйаҕыт үчүгэй. Ол да буоллар харыстана сылдьаргыт ордук. Таптал да чааһыгар мөкү баара көстүбэт. Духуобунай өттүнэн сайдарга сыл бастакы аҥаара барсар. Дьиэ кэргэҥҥитигэр эһиги көмөҕүт наада. Ордук улахан астыныыны дьиэҕит, чугас дьоҥҥут аҕалыахтара. Дьоҥҥо болҕомтолоох, үтүө сыһыаннаах буолуҥ.

 

Ыйааһын

Быйылгы сыл, чуолаан бастакы аҥаара, сиэрдээх буолуу тиэмэтигэр туһаайыллыа. Дьону кытта сыһыаҥҥа, кыһалҕаны быһаарыыга сөптөөх суолу тобулуоххут. Тургутан көрөр курдук түгэн балай эмэ буолуо. Ол түмүгэр кииллийэн тахсыаххыт, бэйэҕитигэр туһалааҕы сомсуоххут. Олус долгуйумаҥ, иннинээҕи сылга таптал, өйдөһүү чааһыгар эмиэ оннук курдук этэ. Тулуурдаах буолуҥ. Карьера өттүгэр ситиһиилээх сыл. Ордук үөрэх, бэлиитикэ уонна атыы-тутуу, эрэкилээмэ эйгэтигэр үлэлиир дьоҥҥо. Элбэҕи билиэххит-көрүөххүт, өссө айан күүтэр. Үлэҕэ туруоруммут сыалгыт туолуоҕа. Биисинэскэ табыллыаххыт. От ыйын ортотуттан доҕотторгут өйөбүллэрэ улаатыа, инники хардыыгыт кэҥиэ. Доруобуйаҕытыгар болҕомтолоох буолуҥ. Сулумахтар ыал буолар кыахтара быйыл улахан. Оттон арахсар санаалаахтар онтуларын олоххо киллэрэллэрэ судургу буолуоҕа. Быһата, ыал-күүс чааһыгар уларыйыы күүтэр курдук. Өйдөөҥ: хайдаҕын да иһин, олоххут тус бэйэҕититтэн тутулуктаах. Үп-харчы чааһа туох да ааттаах буолсу.

Ооҕуй

Эппиэтинэстээх сыл. Олоххо оттомноох буоллаххытына табыллар. Уустук гынан баран, сэргэх сыал-сорук турууһу. Үлэҕэ уонна карьераҕа сыһыаннаан эттэххэ, салгыҥҥа ыйаммыт курдук санаа үөскүөн сөп. Эрэлгитин ыһыктымаҥ. Ханнык баҕарар сыра, дьулуур уон оччонон үтүө түмүктээх буоларын умнумаҥ. Доруобуйа чааһа куһаҕана суох. Киһи быһыытынан үүнүөххүт, устуоруйаҕа суолгутун хаалларар чинчилээххит. 7, 15 уонна 29 сыллааҕыта ылыммыт быһаарыыгытыттан туох ситиһиллибитин толкуйдаан көрүҥ. Туолбатах баар буоллаҕына, умнуҥ, салгыы айаннааҥ. Сыл бастакы аҥаарыгар ситиһии, үрдэл баар буолсу. Элбэх айан эбэтэр омук дьонун кытта үгүс алтыһыы күүтэр. Күүппэтэх өттүгүтүттэн үлэҕэ ыҥырыахтарын сөп. Элбэҕи билиэххит-көрүөххүт. Ордук суруйааччы, суруналыыс уонна учуутал ооҕуйдарга – ситиһиилээх сыл. Үрдүк үөрэх кыһатыгар үөрэнэ сылдьааччылар үөрэхтэригэр ситиһии кэлиэ. Олорор сири уларытар кыах көстүөн сөп. Ис таайан көрөр дьоҕургут сыыһыа суоҕа. Тапталга ылларыы, дууһаҕар чугас киһини көрсүү да күөрэйдэҕинэ көҥүл.

Охчут

Иннинээҕи 8 сылга аалбыт өй-санаа күүрүүтэ (стресс), кыһалҕа, өйдөспүт буолуу, уйулҕа өттүнэн аһааҕырыы – барыта түмүктэннэ. Мантан инньэ барыта этэҥҥэ буолуо. Тургутан көрүү сылларын аастыгыт. Буолбут барыта мин кииллийиибэр көмөлөстө диэн өйдөөҥ. Туох эрэ атыытыттан өлүүлэһэр, урукку инвестицияҥ тиллэр кэмэ кэлиэн сөп. Күүппэтэх өттүттэн харчы нэһилиэстибэтигэр тиксээччилэр эмиэ эһиги ортоҕутугар бааллар. Үрдүк үөрэҕи ылар кыах улахан. Итэҕэл, бөлүһүөпүйэ эһигини сэҥээрдииһи. Быһата, үөрэх чааһыгар ситиһиилээх сыл. От ыйын ортотуттан саҕалаан тас дойдуга тахсыы тосхойуон сөп. Күүс-уох эһиэхэ дэлэй. Бу иннинэ кыайбатаххытын ситиһэр кыах улахан. Дьиэ кэргэҥҥитин, биирдиилээн чугас дьоҥҥутун олус сыаналыыргытын өйдүөххүт. Арамаантыка сыһыана биллииһи. Айымньылаах сыһыан дьиэ кэргэнтэн тэйитэ түһэн ылыан сөп. Кыраадыстаах утаҕы иһэртэн туттунуҥ. Ону тэҥэ туһата суохха үбү матайдаабат куолу. Үп мунньунар кыах бэриллэрин мүччү тутумаҥ. Инвестицияҕа уурар санаа киирэр чинчилээх. Баары суох гынан иһии түмүгэ соччото суох. Туохха барытыгар болҕомтолоох буолуҥ. Имэҥ уонна бэйэни сайыннарыы өттүгэр элбэхтик астыныаххыт.

Чубуку

Бу иннинэ икки уустук сылы туораатыгыт, санаа да охсуһуута баар буола сылдьыбыта. Ити аата, эһиги бэрэбиэркэни аастыгыт. Дьиэ кэргэҥҥит чилиэннэригэр балай эмэ уларыйыы буолла. Тулуурдаах буоларга үөрэнэҕит. Сотору ити ааһыа. Духуобунас уонна айымньылаах өттүгэр сайдыаххыт. Эһиги дьиэҕитигэр Нептун олохсуйбутунан, билиини-көрүүнү ымпыгар-чымпыгар диэри сыныйан үөрэтэр баҕаҕыт улаатыа. Уопсастыба туһугар үлэлииргэ бэртээхэй хандьыдаат эһиги буолаҕыт. Онно улахан ситиһиилэрдээххит. Дьиктитэ, тоҕо эрэ онтугутуттан санааргыыр курдуккут. Куруук ситиһии сэтиилээх буолан, ардыгар сыал оруолун толороҕут. Онон бэрт былдьаһар дьон туора мас буола сатыыллар. Аахайымаҥ. “Хас хардыыбытын маныыллар” диэн саныыргыт алҕас буолбатах. Быйыл эһиэхэ үтүө санаа, таптал уонна дьиэ кэргэн тиэмэтэ баһылыа. Сулумах хойдор ыал буолар, өйдөһөр доҕоргутун булар кыаххыт улахан.  Араак, балык, ооҕуй бэлиэлээхтэри кытта кыса сыһыан үөскүөн сөп. Эппиэтинэһи ылына үөрэммиккит быйыл да оннунан хаалыа. Карьераҕа уларыйыы тахсыан сөп. Арахсыы да син баар. Дьиэ туттуу, ылыы, баҕарар үлэҕэр тиксии да кыралаан туолууһу. Былааннаахтык дьаһанаргытыттан элбэх тутулуктаах. Сырдык санаанан салайтарыҥ, махталлаах буолуҥ, олус ырааҕы толкуйдаан, санааҕытын түһэримэҥ.

Күрүлгэн

Саҥа үүнэр сылга тус дьыалаҕытыгар сүрүн болҕомтону ууруоххут. Таптал, айымньылаах үлэ уонна үп тула эргичиҥниэххит.  Тыҥааһыннаах түгэн сыл иккис аҥаарыгар, чуолаан карьера өттүгэр биллэн ааһыыһы. Тутулуга суох буолууну туохтааҕар да ордороҕут. Ону ситиһэргэ быйыл атын ньымалары туһана үөрэниҥ. Эппиэтинэһи сүгүү уонна сынньалаҥ да тэҥинэн сылдьыыһылар. Хаһан да түбүгүрбэтэххитин түбүгүрэр сылгыт. Аптарытыаттаах дьону, официальнай бэрэстэбиитэллэри ытыктааҥ диэн сулустар сүбэлииллэр. Дьиссипилиинэни тутуһуҥ. Сатурн сүрэҕэ суох буолары сөбүлээбэт. Ол оннугар дьаныардаах үлэни, бэрээдэги хаһан баҕарар сатаан сыаналыырын, хадаҕалыырын умнумаҥ. Кыһамньы, дьулуур эрэ ситиһиигэ аҕалыа. Онно бэлэмэ суох түгэҥҥитигэр үтүө түмүгү күүтүмэҥ. Ол эрээри ыһыктынан кэбиһимэҥ. Барыта ааһар кэмнээх. Сыл ортотугар диэри карьера боппуруоһа инники күөҥҥэ тахсыа. Сыл түмүгэ чугаһыар диэри сэргэх күн-дьыл күүтэр. Духуобунас өттүнэн байыаххыт. Ити диэки интэриэс улаатар чинчилээх. Элбэх алтыһыы, билсиһии баар буолсу. Сурук-бичик, тыл этии, онлайн үлэ өттүгэр таһаарыылаах сыл. Сүрүн интэриэскит быйыл үп-харчы, алтыһыы, өй-санаа, таптал тула эргийиэ. Доруобуйаҕыт туох да ааттаах.

Балыктар

Элбэх уларыйыыны көрүстүлэр. Балыктар бэйэлэригэр эрэллээхтэр, сыаналарын билинэллэр. Дьону тардар, абылыыр кыахтара улахан. Чуолаан ускуустубаҕа, муусукаҕа, киинэҕэ уонна гуманитарнай салааҕа үлэлиир дьон ити өттүгэр чорбойоллор. Быйыл балыктар дьиэлэригэр Юпитер баар. Онон үөрүү, оҕо, айымньылаах үлэ чааһыгар сыл ортотугар диэри ситиһии булгуччу баар буолуо. Олохтон астыныаххыт. Дьарыккыт үөрүүнү аҕалыа. Үлэ от ыйыттан улаатыа. Онон үлэ көрдүүр, үлэһиккэ наадыйар балыктары баарт күүтэр. Баҕарар үлэҕитин булар кыах бэриллэр. Тургутан көрүү, уустук түгэн онон-манан, сиэр быһыытынан, көстөн ааһыа. Кэмиттэн кэмигэр официальнай сирэйдэри, баҥкыырдары, чунуобунньуктары кытта алтыһар түгэн күөрэйиэ. Устудьуон балыктар, үөрэххэ кыһамньылаах буолуҥ. Баар талааҥҥытын таба туттарга кыһаныҥ. Ис таайан көрөр дьоҕургутун сатаан туһана үөрэниҥ. Сыыһыаххыт суоҕа. Сүрүн интэриэскит эт-хаан, үлэ уонна доруобуйа өттүгэр буолсу. Айымньылаах үлэ уонна үөрүнньэҥ быһыы эһиэхэ дуоһуйууну аҕалар чинчилээх.

 

 



Доҕоттор кэпсээ

Гороскоп

01_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy

2014 сыл гороскоба

Доруобуйа, күүс-кыах да тупсар сыла иһэр. Үтүө дьайыылаах уларыйыы тахсар сибикитэ улахан. Урукку сылларга холоотоххо, ыарахан таһаҕаһы бырахпыт курдук…

RSS-Лента