Ини-бии Ущницкайдар салайар “Майтона” хампаанньалара аан дойду айти ырыынагар аатырбыта ыраатта. Бу сырыыга "Cooking Diary" диэн айбыт оонньуулара 24-с Peoples Voice Award диэн аан дойдутааҕы бириэмийэҕэ кыайыылааҕынан ааттаммыт.
«Биһиги айбыт оонньуубутун сэҥээрээччилэр баар буоланнар, Cooking Diary диэн оонньуубут Webby бириэмийэни ылбытытын истэн үөрдүбүт. Билигин бу дьон сөбүлээн оонньуур бырайыакпытын өссө тупсара сылдьабыт», — диэн MYTONA иһитиннэрэр. Куонкуруска АХШ 50 штатыттан уонна 70-тан тахса дойдуттан уопсайа13 тыһыынча сайаапка киирбит. Куонкурус кыайыылаахтарын быһаарарга 2,5 мөлүйүөн киһи куоластаабыт.
Бу улахан бириэмийэни туттарыы быйыл хоруона хамыгынан сибээстээн онлайн буолбут. Наҕарааданы өссө Майли Сайрус, Том Хэнкс, Деми Ловато, Кристен Белл, Джон Красински курдук Голливуд биллэр сулустара ылбыттар. Оттон наҕараадалааһын анал ыалдьытынан АХШ урукку бэрэсидьиэнин Барак Обама ойоҕо Мишель Обама буолбут.
