“Азия оҕолоро” норуоттар икки ардыларынааҕы оонньуу саайтыгар арыллыытыгар сылдьар билиэт атыыга таҕыста. Оонньуу арыллыытыгар “Путешествие в Арктическую вселенную” диэн үс чаастаах анал бырагырааманы көрдөрүөхтэрэ. Билиэт сыаната 2000 – 3500 солк. буолар.
Тэрийээччилэр кэпсээбиттэринэн, арыллыы кэмигэр, үгэс курдук, кыттар дойдулар уонна спортсменнар сэлэлии хааман киириэхтэрэ, ырыа-тойук, үҥкүү-битии тэриллиэ, биллиилээх артыыстар эҕэрдэлиэхтэрэ.
Оонньуу үөрүүлээх арыллыыта бэс ыйын 26 күнүгэр киэһэ 19:00 чаастан Н.Тарскай аатынан “Туймаада” стадиоҥҥа саҕаланар. Тэрээһини СӨ култууратын үтүөлээх диэйэтэлэ Руслан Тараховскай туруорар.
Бэй.кэр.
Хаартыска: СИА.
