Дьокуускай Хатас сэлиэнньэтигэр VIII Норуоттар икки ардыларынааҕы сайыҥҥы «Азия оҕолоро» оонньууларга икки этээстээх успуорт комплексын тутан бүтэриэхтэрэ. Эбийиэк иэнэ - 2,3 тыһ. кв. миэтирэ, 400 миэстэлээх.
Успуорт комплексын Ил Дархан Айсен Николаев «Саха Өрөспүүбүлүкэтин киин куората Дьокуускай 2032 сылга диэри сайдыытын» туһунан Ыйааҕын, регионнааҕы «Саха Өрөспүүбүлүкэтигэр физическэй култуураны уонна успуорду 2020-2024 сылларга сайыннарыы» тосхол, муниципальнай «Дьокуускай куорат» куораттааҕы уокурук социальнай инфраструктуратын 2017-2032 сылларга комплекснай сайыннарыы» тосхол иитинэн туталлар. Билигин эбийиэги тутуу 84% туолан турар. Бу сыл сэтинньи бүтүүтүгэр диэри тутан бүтэрэр соруктаахтар. Тутууга 29 киһи үлэлии сылдьар.
Успуорт комплексыгар араас тэрээһини ыытар 400 миэстэлээх улахан саала, маны таһынан, икки кыра - буокса уонна тренажер саалата, успуорт оонньуулаах көрүҥнэригэр анаан аһаҕас стадион баар буолуоҕа.
Сонун төрдө: СӨ Бырабыыталыстыбатын уонна Ил Дарханын пресс-сулууспата.
