“Промрейтинг” чинчийэр ааҕыныстыба иһитиннэрэринэн, 2023 сыл ыам ыйыгар Арассыыйа саамай ыарахан сыаналаах бэнсииннээх эрэгийиэннэрин ортотугар Саха сирэ төрдүс миэстэҕэ сылдьар, онтон диисэл уматыктаахтарга – иккискэ.
Бу сыл ыам ыйыгар массыына бэнсиинин потребительскай сыанатын ииндэксэтэ 101,0% тиийдэ. “Промрейтинг” чинчийэр ааҕыныстыба эрэгийиэннэргэ массыына бэнсиинин сыанатын билиһиннэрдэ.
Массыына бэнсиинин сыаната дойду 25 субъегар 1,1 %-тан ордугунан үрдээбитэ бэлиэтэммит. Коми өрөспүүбүлүкэтигэр – 7,3 %, Дагестан өрөспүүбүлүкэтигэр 4,4 %-нан үрдээн ордук биллибит.
Онтон массыына бэнсиинигэр сыана Ямал-Ненец АУо – 1,5 % уонна Магадан уо. 0,1 %-нан түспүтэ бэлиэтэммит.
2023 сыл ыам ыйыгар Арассыыйаҕа массыына бэнсиинигэр сыана ортотунан лиитирэ иһин 51,42 солк. тэҥнэспит, ол курдук:
АИ-92 – 47,65 солк./л,
АИ-95 – 51,96 солк./л,
АИ-98 – 62,25 солк./л,
ДТ – 58,17 солк./л.
Yakutia24/Якутия24
