Чурапчы улууһугар хоруона хамсыгын тула бэрдэ суох балаһыанньа үөскээбитинэн, 15-тэн элбэх киһилээх маассабай, корпоративнай, дьиэ кэргэн тэрээһиннэрин боптулар. Бу туһунан улуус дьаһалтатын пресс-сулууспата иһитиннэрэр.
«Балаҕан ыйын 17-18 күннэригэр анаммыт Чурапчы сэлиэнньэтин төрөөбүт күнүгэр аналлаах тэрээһиннэр, ону тэҥэ улуус үөрэҕин үлэһиттэрин сүбэ мунньаҕа онлайн-формакка көһөрүлүннэ», — диэн иһитиннэриигэ этиллэр.
Чурапчы улууһа быһыыны ылбыт аҕыйах ахсааннаах нэһилиэнньэлээх улуустар ахсааннарыгар киирэр. COVID-19 ыарыынан ыалдьыы элбэх түбэлтэтэ Чурапчы уонна Одьулуун сэлиэнньэлэригэр бэлиэтэнэр.