“Халыма” уонна “Бүлүү” айан суолларын быһа охсон ааһар өрүстэргэ сырыыны хааччахтаатылар. Ол курдук, муус устар 3 күнүттэн саҕалаан 30 туоннаттан ыарахан уйуктаах массыыналар мууһунан өрүһү туорууллара бобулунна.
Ханнык өрүһү ханан туоруур бобулунна?
- Дьокуускай – Аллараа Бэстээх (Өлүөнэ);
- Хаандыга – Мэҥэ Алдан (Алдан);
- Үөһээ Бүлүү, Бүлүүлүүр суол 660 км (Бүлүү);
- Устье, Бүлүүлүүр суол 956 км (Бүлүү);
- Кириэстээх, Бүлүүлүүр суол 1049 км (Бүлүү).
Муус устар 10 күнүттэн ыла ити ыйыллыбыт өрүстэргэ таһаҕас уйуга 20 туоннаҕа диэри хааччахтаныаҕа. Ол кэннэ муус устар 15 күнүттэн букатын сабыллыаҕа, айан-сырыы тохтуоҕа.
Арктика улуустарыгар өрүс суоллара муус устар 20 – 25 күннэригэ сабыллыахтара.
Бэй.кэр.
Хаартыска: Упрдор “Вилюй”
