Муус устар иккис аҥаарыгар Казахстаҥҥа Саха сирин атыы-эргиэн, экэниэмикэ, инвестиция, култуура уонна туризм өттүгэр кыаҕын билиһиннэриэхтэрэ. Ааспыт сыл тохсунньутугар Астана куоракка бэрэсидьиэн Касым-Жомартом Токаев Ил Дархан Айсен Николаевы кытта көрсүһүүтүгэр үлэлэһии сүрүн хайысхаларын кытта бу тэрээһини быһаарбыттарын санатабыт.
Саха Өрөспүүбүлүкэтин күннэригэр саха киинэлэрин, Олоҥхо тыйаатырын испэктээктэрин, «Саха сирин виртуозтара» ансаамбыл кэнсиэрин көрдөрүөхтэрэ. Астанаҕа табаары оҥорон таһаарааччылары уонна «Сделано в Якутии» инновационнай тэрилтэлэри билиһиннэриэхтэрэ. Казахстан национальнай түмэлигэр «Сокровища Якутии» өрөспүүбүлүкэ норуоттарын төрүт прикладной ускуустубатын уонна култууратын быыстапката туруоҕа. Успуорт өттүнэн Казахстан мас тардыһыыга чөмпүйэнээтэ, сэминээр уонна Саха сирин хамаандаларын кытта мас тардыһыыга уонна көҥүл тустууга күрэхтэһиилэрэ буолуохтара.
Петропавловскайга бөдөҥ бэлиитик уонна уопсастыбаннай диэйэтэл М.К. Аммосов олоҕор уонна үлэтигэр аналлаах «Пламенный Максим» быыстапка туруоҕа. Алматы куоракка Саха сирин, Казахстан уонна Кыргызстан норуоттарын эпостарын толорооччулара кыттыылаах аан дойду эпостарын көрсүһүүтэ, төрүт литэрэтиирэлэр сайдар боппуруостарыгар аналлаах төгүрүк остуол тэриллиэҕэ.
Сонун төрдө: СӨ Бырабыыталыстыбатын уонна Ил Дарханын пресс-сулууспата
