“Мин үрдүбэр күн хаһан да киирбэт” киинэ “Золотой ворон” диэн III Аан дойдутааҕы арктическай киинэ бэстибээлигэр бастыҥ оонньуур киинэ аатын ылла.
Гран-при хаһаайынынан “Северный травелог” диэн финскэй киинэ буолла. Оттон сүрүн бирииһи “Ворон и чайка” диэн Дания режиссера Лау Лассе киинэтэ ылла. “Золотой ворон” бэстибээл ыам ыйын 20-26 күннэригэр Анадырьга буолан ааста. Манна уон дойдуттан киинэ устааччылар кытыннылар. Ол иһигэр Соҕуруу Эмиэрикэттэн уонна Скандинавияттан, ону таһынан, Арассыыйа хотугу эрэгийиэннэриттэн кытыннылар. Саха киинэтэ полнометражнай оонньуур киинэлэри: “Лазурный рубеж”, “Со дна вершины”, “Тиа и Пиуджук” уонна “Хон Юш. Путь от Оби” кэккэ кытынна.
“Золотой ворон” — Арассыыйа уһук хоту сиригэр ыытыллар биир саамай бөдөҥ киинэ бэстибээлэ. Уратыта диэн кыайыылаахтары көрөөччүлэр быһаараллар. Көрөөччүлэри таһынан дьүүллүүр сүбэ эмиэ сыаналыыр. Бэстибээли Арассыыйа киинэ устааччыларын сойууһа, “Молодежные инициативы” продюсерскай киин уонна Чукотка автономнай уокуругун бырабыыталыстыбата тэрийэллэр.
