Хаһан эрэ улуу поэт ”Мин ыттан сырыттым үрүҥ күҥҥэ” диэбитин курдук, мин бүгүн сырыттым кэрэ эйгэтигэр...
Дьүөгэбит «Кэрэ уһаайба баар», өссө мин эдьиийим «Көрө , хаартыскаҕа хатана, кэрэни кэрэхсии,үчүгэйтэн үөрэ барыахха диэбитин» ылынан, Сунтаар сэлиэнньэтин биир кэрэ муннугар Хомустаахха Софья Семеновна, Артем Гаврильевич Чемпосовтарга ыалдьыттаатыбыт.
Ыраахтан ыҥыра-угуйа сандаарбыт, олбуоругар оһуор-мандар чыычаахтардаах кэлииккэни аһан киирээт, остуоруйа дойдутугар үктэммит тэҥэ буолаҕын. Сибэкки ардаҕын аннынан ааһаҥҥын, араас отонноох мастар быыстарынан, субу ойон хаалыах курдук табачааннары, туртастары үргүппэтэрбин , күөлгэ уста сылдьар кустары көтүппэтэрбин диэбиттии, айылҕалыын силбэһэн хаалаҕын.
Дьиэлээх хаһаайын, анал оҥоһуулаах оллоонугар уот оттон, түптэ буруотун унаарытан, ураты истиҥ, сылаас эйгэни олохтоото. Дьиэ хаһаайына уус илиитинэн, кыраҕы хараҕынан нарылаан оҥорбут, хаһаайка киэргэтэн-симээн ураты тыыннаабыт беседкалара «ааһа барыма» диэбиттии ыҥыра-угуйа тураллар. Беседкаларыгар ааттарын ааттатар, үйэлэрин уһатар сиэннэригэр анаан трон – кириэһилэ оҥорбуттарын улаханнык хайгыы көрдүм. Бу кэнэҕэһин кэҥиир кэскиллээх кэнчээрилэрин улаханнык таптыыр, ытыктыыр биир улахан бэлиэлэрэ дии санаатым. Беседкаҕа киирэн истэххинэ, хаххан көтөр өйдөөх харахтарынан одуулаан олороруттан бэйэ бодоҕун тардына түһэҕин. Оннооҕор баанньыкка киирэн истэххинэ, уун- утары баабыр кыылтан (хаһаайка бэйэтин сылын бэлиэтин уруһуйдаабыт) соһуйан, муруку аан үрдүнэн тыаҕа ыстанан иһэрэ киһини сэргэхситэр. Ыаллар уруһуйдуур кырааскалара, мольбертара, уһанар станоктара барыта үлэлииргэ бэлэм тураллара бу дьиэҕэ быыстала суох туох эрэ кэрэ айылла, чочулла турарын туоһулуур.
Дьокуускай куоракка Клим Федоров “Ыллыыр мыраан” диэн уһаайбата дьону-сэргэни бэйэтин кэрэ көстүүтүнэн ыҥыра-угуйа, сэргэхситэ турар. Бу Чемпосовтар уһаайбалара, ситтэҕинэ-хоттоҕуна, ол “Ыллыыр мыраан” курдук Сунтаар биир кэрэ миэстэтэ буоларыгар саарбахтаабаппын. Эдэр ыаллар, манна сылдьан, барыта дьип-дьап тутуулаах, оһуордаах-мандардаах, уратытык симэммит тутуулары көрөн, үчүгэйи үтүктүҥ, бэйэҕит олоххут уйгутун тупсарыҥ. Өссө, маны таһынан, хаһаайка Софья араас хоруоҥканан оҥоһуктара бу кэрэлэрин, харах хайдах хайҕаабытын ойуулуурга тыл ууһа тиийбэт.
Саха сэргэх ыалыгар Софья, Артем Чемпосовтарга өссө да Сунтаары сураҕырда, сайыннара-үүннэрэ сылдьаргытыгар, кэнчээри ыччаккыт кэҥии турарыгар баҕарабын.
Зинаида Федотова-Дьол Кыыма. Сунтаар
Сэҥээриилэр
Кыһынын халлаан хараҥардаҕына тэлгэһэлэрэ араас уотунан дьиримниирэ ураты кэрэ көстүүлэнэрин көрбүтүм. Киһи баҕалаах, сүрэхтээх буоллаҕына тугу сатаабатаҕа баарай, манна кинилэр эйэлээхтэрэ, дьоллоохторо, кэрэҕэ тардыһаллара төһүү күүс буолбута буолуо диэн бигэтик биллэр.
Өссө да инники былааннара элбэх, барыта ситтэҕинэ чахчы остуоруйа дойдута курдук буолуоҕун саарбахтаабаппын.
Барыта сатанан, табыллан санааларын ситэн иһэллэригэр баҕарабын!
learned lot of things from it about blogging. thanks.
my homepage :: اسعار شوب اند شيب: https://www.patumplaza.com/index.php?page=user&action=pub_profile&id=727985
new webpage or even a weblog from start to end.
My web blog خدمة شوب آند شيب: http://palomnik63.ru/bitrix/redirect.php?event1=&event2=&event3=&goto=http://kredit-2700000.mosgorkredit.ru/go?https://pastelink.net/jm17na1o
attempting to find things to improve my website!I suppose its ok to use some of your ideas!!
Also visit my web site: اسعار شحن شوب اند شيب: https://bbarlock.com/index.php/Crucial_Methods_For_Getting_Wonderful_World_Travels
Feel free to surf to my webpage :: toto79.org: https://toto79.org/underover/