Санатабыт, олунньу 23 күнүгэр Анаабыр улууһугар, алта киһи үс снегоходунан Үрүҥ-Хайаттан Красноярскай кыраай Сындасско бөһүөлэгэр айаннаабыттар. Буурҕа түһэн бөһүөлэккэ икки киһилээх биир снегоход эрэ тиийбит.
Нөҥүө күнүгэр быыһааччылар биир киһини булбуттар. Оттон бүгүн өссө биир киһини буллулар. Бу туһунан нэһилиэнньэ куттала суох буолуутун хааччыйар судаарыстыбаннай кэмитиэт иһитиннэрэр.
“Бүгүн, олунньу 25 күнүгэр Үрүҥ-Хайаттан 7 км тэйиччи биир киһини буллубут. Эр киһи туруга орто”, – диэн иһитиннэриигэ этиллэр. Билигин хаалбыт икки киһини көрдүүр үлэ ыытыллар.
