Муус устар 19 күнүгэр, чөл күҥҥэ (бээтинсэҕэ), Саха сирин сорох улуустарыгар тыал сөкүүндэҕэ 24 миэтэрэ түргэннээхтик үрүөҕэ. Хоту уонна хотугулуу-илиҥҥи улуустарга күнүһүн +14 кыраадыска тиийэ сылыйыаҕа. Ол туһунан УГМС Саха сиринээҕи салаата иһитиннэрэр.
Бу күн өрөспүүбүлүкэ үгүс улууһугар сөҥүү түһэрэ күүтүллүбэт. Соҕурууҥҥу улуустарга кыралаан инчэҕэй хаар түһүөҕэ, сөбүгэр тыаллаах буолуоҕа. Анаабыр уонна Булуҥ кытылларыгар сөкүүндэҕэ 19 – 24 миэтэрэҕэ тиийэр, оттон Эбээн Бытантайга, Үөһээ Дьааҥыга, Усуйаанаҕа, Аллайыахаҕа уонна Халыма-Индигиир улуустарыгар сөкүүндэҕэ 15 – 20 миэтэрэҕэ тиийэр түргэннээхтик тыалырыа.
Салгын тэмпэрэтиирэтэ түүнүн -3...+2 кыраадыс буолуоҕа. Былыт дьайҕаран ылар кэмигэр -9...-14 кыраадыска тиийэ тымныйыаҕа. Хоту, хотугулуу-илин түүнүн -18...-23, күнүһүн – +9...+14. Хотугулуу-арҕаа – +3...+8. Арктика улуустарыгар түүнүн -15...-20, күнүһүн – -2...-7. Хотугу Муустаах байҕал кытылыгар түүнүн -20...-25, күнүһүн – -12...-17 кыраадыс тымныы.
Киин куоракка чөл күн ардах-хаар түһэрэ күүтүллүбэт. Хотугулуу-илинтэн сөкүүндэҕэ 3 – 8 миэтэрэ түргэннээх тыаллаах буолуоҕа. Түүнүн -7...-9, оттон күнүһүн +7...+9 кыраадыска тиийэ сылыйара күүтүллэр.
