Хой

Бу нэдиэлэҕэ карьераҕын кытта ситимнээх улахан уларыйыы тахсыан сөп. Эбэтэр уурайыы, эбэтэр үрдээһин... Онон ыктарыылаах кэмҥэ бэлэмнээх буол. Доҕотторгор кыра аайыттан кыыһырыма, кыйаханыма. Наһаа болҕомтону ирдиигин. Суолга сэрэнэ сырыт. Ыраах айаны былааннаабыт дьон табыллыахтара. Онно быстах таптал уота күөдьүйэр чинчилээх. Нэдиэлэ сүрүн ситиһиитинэн, сөбүлүүр дьарыккын сөргүтүү, бириэмэни туһалаахтык атаарыы буолуоҕа.

Оҕус

Харчыга улаханнык ыктарыы буолбут. Онон үпкүн көрүнэн сылдьарыҥ булгуччулаах. Орускуот, ночоот, сыаналаах малы уордарыы тахсыан сөп. Бу балаһыанньаттан быыһанар туһугар ыһыллан-тоҕуллан бүт. Мээнэ онно-манна быгыалаама. Таптал чааһыгар сыһыан урукку курдук истиҥ. Эн олус эрэллээххин, ону тапталлааҕыҥ олус сыаналыыр. Соҕотохсуйбут сүрэхтэр көрсүө-сэмэй майгыларынан кыайыылаах тахсыахтара. Доруобуйа этэҥҥэ.

Игирэлэр

Ыал игирэлэр сыһыаннарыгар уларыйыы буолар чинчилээх. Арааһа, эбиллээри гыммыккыт быһыылаах. Маныаха, тапталлааххын кытта сыһыан “тымныйбыт” курдук. Аргыый олорон аһаҕастык кэпсэтии тиийбэт. Оттон үлэҕэ эппиэтинэс үрдүк, харчы киириитэ куһаҕана суох. Ол эрээри, бэйэҕин эмиэ санаа. Аһара үлэнэн үлүһүйэн, доруобуйаҕар охсууну ылыаххын сөп. Бэйэҕин харыстан.

Араак

Салалтаны кытта сыһыан ааттаах үчүгэй. Онон туһалаах сибээһи олохтуурга күүскэ туруулас. Үлэ элбэх, онон үчүгэйдик утуйа, аһыы сырыт. Маны таһынан, эр дьон дьиҥнээх доҕордоохторун билиэхтэрэ. Улахан дьыалаҕа чугас доҕоргут илиитин утары уунуоҕа. Бу нэдиэлэ дьиэ кэргэни кытта сыһыаны тупсарарга табыгастаах. Онон оҕолоргутун-урууларгытын кытта бииргэ буолуҥ. Барыга-бары көхтөөх, киирбит-тахсыбыт буоларгыт ордук.

Хахай

Бырааһынньыгынан үлүһүйүмэ. Аһыы утахтан сэрэхтээх буолар наада. Аны туран, көмпүүтэр оонньуутугар ылларыма. Аҕа саастаах дьону сүһүөх, уҥуох ыарыыта буулаабыт. Успуордунан дьарыктанарга, бэйэ бодотун көрүнэргэ ситиһии күүтэр. Тас көстүүгэр тус харизмалааххын. Онон ким баҕар таптыы көрүөн сөп. Бэйэҕэр эрэллээх, үчүгэй настарыанньалаах буол. Нэдиэлэ бүтүүтэ соһуччу үөрүү күүтэр.

Кыыс

Дьиэ кэргэнинэн бириэмэни атаараргын туохтааҕар да ордороҕун. Эбии дохуот киириитэ үчүгэй. Өр сылларга ыралаабыт сыаналаах малгын атыылаһыаххын сөп. Күннээҕи олоххун былааннаа, анал кыраапык оҥоһуннаххына табыллыаҥ. Доҕотторгун кытта көрсүһүүнү былаанныыр эбиккин. Маны таһынан, кирэдьииккэ киирэргэ, ипотека ыларга саамай тоҕоостоох кэм. Ыал буола сатыыр дьон, аһара былааннанымаҥ.

Ыйааһын

Саҥа билсэр киһигэр наһаа эрэллээх буолума. Сыыстарыаххын сөп. Таҥнарыы аһыытын билэр чинчи баар. Кэллиэгэлэргин кытта тус олоххун ырытыма, тапталлааҕыҥ итэҕэһин-быһаҕаһын кэпсээн оҥостума. Дьыалабыай кэпсэтиигэ санааҕын-онооҕун түмэн барарыҥ ирдэнэр. Дьиэ үлэтин кыайа-хото тутарыҥ наада. Наһаа сүрэҕэлдьээмэ. Оҕолоргун төрүөтэ суох мөҕүмэ, бэйэҕэ эрэллэрин түһэримэ. Бу күннэргэ доруобуйаҥ туһунан үчүгэй сонуну истиэҥ.

Скорпион

Доруобуйа этэҥҥэ. Үп-харчы кыһалҕата ыгыа эрээри, онтон санааны түһэрэр сатаммат. Харчы бүгүн баар, сарсын суох. Массыынаҕын үчүгэйдик көрүнэ сырыт, суол быраабылатын тутус. Бэйэҕин үөрдээри бэлэх оҥосторуҥ наада. Тапталлааҕыҥ үлэҕэ үлүһүйэн, эйиэхэ болҕомтотун соччо уурбатыттан хомойума. Сыһыаҥҥыт бигэ, эрэллээх. Онон наһаа куһаҕана суох нэдиэлэ күүтэр. Саамай сүрүнэ тулалыыр дьоҥҥор истиҥ сыһыаннаах буол.

Охчут

Дьон ортотугар хайдах тутта-хапта сылдьаргыттан улахан тутулуктаах. Бэйэҕин түһэринимэ, эрэлэ суоххун биллэримэ. Кэлин эйигин дьон-аймах сэнии, баттыы сылдьыа. Салалта үлэһиттэриттэн кыра мөҕүү-этии тахсыан сөп. Онно улаханнык аахайбатыҥ ордук. Өрөбүллэргэ айылҕалыын алтыһан, чугас дьоҥҥун кытта бириэмэ атаарар ааттаах үчүгэй буолуоҕа. Онон кытаат.

Чубуку

Саһан олоруоххун саныыгын. Наһаа элбэх уларыйыы-тэлэрийии күүтэр. Онно бэлэмиҥ суох курдук. Кыраттан ньиэрбинэйдиир, ыгылыйар буолбуккун. Эппит тылгар тура үөрэн. Доҕотторуҥ иннигэр эрэллээх буоларгын дакаастыаххын наада. Тус олох туһунан эттэххэ, ыаллар сыһыаннара үчүгэй. Оттон сулумахтар сылдьалларын курдук сылдьаллар. Сыыһа-халты туттубуттарын ыраҥалыыллар, көннөрө сатыыллар да ситэ табыллыбат эбит. Буола турар уларыйыыга сыһыаныҥ сүҥкэн суолталаах.

Күрүлгэн

Наһаа ситиһиилээх күннэр. Ол иһин сүргэҥ көтөҕүллэн сылдьар. Бу күннэргэ бырааһынньык, аймахтардыын көрсүһүү үгүс. Онон бэһиэлэй соҕус нэдиэлэ күүтэр. Аны туран, чугас аймахтаргар эбиллии буолан эрэрин туһунан үтүө сонуну истиэҥ. Кэлиэххин-барыаххын, тас дойдуга сынньаныаххын былаанныыгын. Баҕар, бу баҕа санааҥ сотору кэминэн туолуо. Үчүгэйи ыраҥалыы сырыт.

Балыктар

Салалтаны кытта өйдөһөр-өйөһөр буолбуккун. Бииртэн биир саҥа сонуну истиэҥ. Нэдиэлэ устата элбэх дьоннуун алтыһан ааһыаҥ. Онон тулалыыр дьоҥҥор болҕомтолоох буол. Аныгы үйэ сиэринэн, аҕа саастаах Балыктар саҥа технологияны баһылыахтара. Сулумахтар тапталларыгар ситиһии күүтэр. Бырааһынньыкка ыҥырдахтарына аккаастаныма, аналгын көрсөрүҥ кыра хаалбыт. Онон сытыы-хотуу буол.