Хой
Буола турар быһыыны-майгыны муоһалыаххын, уларытыаххын сөп. Тас көрүҥҥүн да тосту уларытар кыахтааххын. Ким да сөбүлүө суоҕа эрээри, бэйэҥ бэйэҕин үрдүктүк сананаргар туһалаах буолуо. Омук дьонун кытта соһуччу билсиһии, айан көстөр. Билсиһии эйэргэһиилээх, оонньоһуулаах буолуон сөп.
Оҕус
Иэһи-күүһү сабарга күүстээх үлэ барыа, ситиһии кэлиэ. Саҥа саҕахтары арыйан биэрэр киһи көстүө. Тыастан-уустан сылайбыккын, элбэх дьону абааһы көрөр буолбуккун. Хомун, дьабдьын, йоганан дьарыктан. Ыраахтан олорон дуогабарынан үлэлиир курдук былааннаныаххын сөп.
Игирэлэр
Көр-нар үгүс. Араас чэпчэки быһыы-майгы, билсиһии элбэх буолуо. Буола турарга олус дьоһуннаахтык уонна сүрэххэ чугастык ылынар наадата суох. Ыра санаа туолар кэмэ. Улахан түмүгэ суох истиҥ билсиһии саҕаланыа. Дьоҥҥо элбэхтик таҕыс, көһүн. Кирэдьииттэн ыраах сырыт.
Араак
Социальнай таһымҥар уонна үлэҕэр улаханнык дьайыан сөптөөх улахан уларыйыы саҕаланаары турар. Соһуччу ыал буолан хаалыаххын сөп. Дьон болҕомтотун тардыыһыгын. Сылайары билбэккэ үлэлиигин. Өрөбүллэргэр өһөс майгыҥ дьиэ иһинээҕи сыһыаҥҥа силлиэни-буурҕаны аҕалыа.
Хахай
Билиигэ-көрүүгэ тардыһыыҥ улааппыт. Олоҕу көрүүгүн уларытыан сөптөөх үөрэххэ чугаһыы сатыыгын. Ыраах айаҥҥа турунар кыах баар. Кэнэҕэһин ыал буолар курдук, саҥа киһини кытта билсиһии бу нэдиэлэҕэ буолуоҕа. Улахан уларыйыыны санаабыккыттан чаҕыйыма, инниҥ диэки түһүнэн кэбис.
Кыыс
Эчэйиини эбэтэр ороскуоту аҕалыан сөптөөх хамсаныылары оҥорума. Эн аттыгар улахан саахал таҕыстаҕына да, айманыа суохтааххын. Бу күннэргэ айылҕа барахсан хадаҕалаабыт эниэргийэтэ тахса сатыа. Күнүү, таҥнарыы баар. Ол да буоллар дьиэ-уот барыта этэҥҥэ турар.
Ыйааһын
Араас үбүлүөйгэ, урууга барарга тиэтэйимэ. Ыал ыйааһыннарга уустук кэм кэлбит. Кыараҕас дьиэ, харчы кырыымчыга эһиги туос хараабылгытын тимирдиэх курдук. Дьыала-куолу чааһыгар барыта этэҥҥэ. Олус туһалаах соһуччу көрсүһүүлэр буолуохтара
Скорпион
Саҥа билсиһиигэ сөбө суох нэдиэлэ. Бытархай дьыала кэмэ. Эн көрдөһүүгэр элбэхтик аккаастыахтара. Наадыйар информацияҕар кыайан уунан тиийиэ суоххун. Биир өттүнэн дохуот улаатар, сылайары-сындалыйары билбэккин. Дийиэтэҕэ олороруҥ уолдьаспыт. Доруобуйаҕын көрүн.
Охчут
Бааргын биллэрэн, дьоҥҥо көстө сатыыгын. Уоттаах таптал, күндү бэлэхтэр, көр-нар биир кэм эргитэн кулахачытыахтара. Ол содулугар дьиэтээҕи бүддьүөтүҥ биллэ-көстө чарааһыа. Үлэҕэр уларыйыы соччо үөрдүө суоҕа. Кэлин ону таба туһанар суолу тобулан таһаарыаҥ. Эйиэхэ көмөлөһөр дьоҥҥо үөҥҥүн-күрдьэҕэҕин көрдөрүмэ, аҕырымныы түс.
Чубуку
Өрөмүөнү, араас тутууну ыытарга соччо сөбө суох нэдиэлэ. Кыаххын билин. Соҕотоҕун кыайбат үлэҕин ылан кэбиһимэ. Дьиэ кэргэҥҥэр эн эрэ тулуурдаах буоларыҥ ирдэнэр. Тыл-тылгытыгар киирсибэккэ, улахан эрэйгэ тиийэн хаалыаххытын сөп.
Күрүлгэн
Айан, билсии-көрсүү элбиир. Билэр-көрөр баҕаҥ искин кычыгылатар. Барыны-бары билэриҥ иһин эн ааҥҥар элбэх киһи тоҕуоруһуо. Хата, ону туһанан көмөтө көрдөө. Аккаастыахтара суоҕа. Эбии дохуоттанар суол арыллыа. Харчыҥ элбэх. Урукку алҕастаргын саныы-саныы, бэйэҕин олус кэрбээмэ.
Балыктар
Дохуотуҥ улааппыт. Аны ол харчыны хайдах туһанабын, ханна гынабын диэн кыһалҕа. Ол эрээри кимиэхэ да иэс биэримэ. Көргө-нарга ыытыма. Ол оннугар көмпүүтэрдэ, төлөпүөннэ атыылас. Карьераҕын оҥосторгор саамай тоҕоостоох кэм. Салалтаҕар хорсуннук туруорсан ис – өйүөхтэрэ. Атын үлэҕэ да ыҥыран кэбиһиэхтэрин сөп.
