Биллиилээх худуоһунньук, модельер-дизайнер, педагог, СӨ култууратын үтүөлээх, РФ үөрэҕириитин бочуоттаах үлэһитэ, “Во славу и пользу республики” култуура, билим, үөрэҕирии сайдыытын пуондатын лауреата, “Гражданскай килбиэн” бэлиэ хаһаайына, РФ Худуоһунньуктарын сойууһун чилиэнэ, Горнай улууһун, Амма улууһун Амма нэһилиэгин бочуоттаах олохтоохторо Августина Филиппова аатын ювелирнай хаачыстыбалаах бөдөҥ алмааска иҥэрдилэр.
АЛРОСА Удачнайдааҕы ХБК-тын “Заполярнай” туруупкатыттан 2025 сыл муус устарыгар көстүбүт, 53,38 карааттаах амлааһы “Августина Николаевна Филиппова” диэн сүрэхтээтилэр.
Августина Филиппова Саха сирин төрүт олохтоохторун ураты баай култуураларын, үгэстэрин, уратыларын кэрэһэлиир таҥастарын-саптарын көрүөхтэн кэрэтик дьүһүйэн таһаарбытын сахалыы саҥалаах эрэ буолбакка, бүтүн Арассыыйа, аан дойду дьоно-сэргэтэ билэр, кэрэхсии көрөр. Кини тус айымньытын ортотугар “Алмазы Якутии”, “Мифы Якутии”, “У Лукоморья” курдук ураты кэллиэксийэлэр бааллар.
kyym.ru
