Бу сарсыарда Токиоҕа ыытылла турар Паралимпиадаҕа биһиги кыыспыт Степанида Артахинова оҕунан ытыыга квалификация турнирыгар кытынна уонна иккис миэстэни ылары ситистэ.
Кини 693 очукуону ылла, бастаабыт утарсааччытыттан баара-суоҕа биир эрэ очукуоннан хаалла. Кыайыылаах Великобритания охчута Джессика Стреттон 694 очукуону ылла.
Салгыы спортсменнар финал 1/16 киирсиэхтэрэ, ол эрээри биһиги кыыспыт финал 1/8 эрэллээхтик таҕыста. Финал 1/16 16 паара кыттар, оттон турнирга 24 киһи сайаапкаламмытынан, квалификацияҕа бастакы 8 миэстэни ылбыттар тута финал 1/8 тахсаллар. Инньэ гынан, биһиги эрэлбит Степанида Артахинова финал 1/8 атырдьах ыйын 30 күнүгэр кыттыаҕа.
