РФ Үөрэххэ министиэристибэтэ оскуола оҕото кылааһыттан көрөн күҥҥэ элбээбитэ хас уруокка үөрэниэхтээҕин быһаарда.
Ол курдук, бастакы кылаас үөрэнээччилэригэр балаҕан ыйыгар уонна алтынньыга күҥҥэ муҥутаан үс уруок көҥүллэнэр. Сэтинньигэ-ахсынньыга – түөрт. Биир уруок 35 мүнүүтэттэн уһуо суохтаах. Оттон тохсунньуттан саҕалаан ыам ыйыгар диэри уруок уһуна 40 мүнүүтэ буолуон сөп. Ити кэмҥэ араспысаанньаҕа физкультура эбиллэринэн, нэдиэлэҕэ биир күҥҥэ биирдэ биэс уруоктаналлара көҥүллэнэр.
2—4 кылаас үөрэнээччилэрин муҥутуур дьарыга – күҥҥэ биэс уруоктан элбэҕэ суох (нэдиэлэҕэ биирдэ физкультура киирэн ыларынан, алта уруок буолуон сөп). 5—6 кылаастарга – алтаттан элбэҕэ суох, 7—11 кылаастарга – сэттэттэн элбэҕэ суох.
Кыым.ру.
Хаартыска: zapravda.ru
