2026 с. Саха сиригэр 1709 ыал ийэ хапытаалынан оҕо үөрэҕин төлөөтө. Социальнай пуонда онно анаан 97 мөл. солк. ыытта. Ол туһунан Социальнай пуонда Саха сиринээҕи салаатын салайааччыта Марина Герман кэпсээтэ.
2025 сылтан төлөбүрдээх үөрэххэ туттарсыбыт оҕолоох төрөппүттэр ийэ хапытаалынан үөрэх төлөбүрүн толуйар сайабылыанньаны үрдүк үөрэх кыһатыгар бэйэтигэр суруйар кыахтаммыттара. Онон төттөрү-таары кэлэр-барар, докумуон сырсар кыһалҕаттан босхоломмуттара. Үөрэх кыһалара дьыаланы бэйэлэрэ ыпсараллар.
Бүгүҥҥү туругунан, Саха сиригэр баар 11 үрдүк үөрэх кыһатыттан оннук ньыманан үлэлииргэ 7 үөрэх кыһата сөбүлэҥ түһэрсибит. Ол иһигэр бааллар: Саха сиринээҕи уу тырааныспарын института (ЯИВТ), Физкультура уонна успуорт Чурапчытааҕы судаарыстыбаннай института (ЧГИФКиС), Саха сиринээҕи экэниэмикэ-быраап института (ЯЭПИ), Арктикатааҕы судаарыстыбаннай арготехнологическай университет (АГАТУ), Дьокуускайдааҕы “Дьыалабыай карьера института”, Экэниэмикэ уонна менеджмент Илин-Сибиирдээҕи института (ВСИЭиМ), Култуура уонна ускуустуба Арктикатааҕы судаарыстыбанай универистета (АГУКиИ).
