Саха сиригэр бастакы кылааска туттарсыы бастакы түһүмэҕин түмүгүнэн, 11 тыһыынча оҕо үөрэххэ ылыллыбыт. Иккис түһүмэххэ төрөппүттэр балаҕан ыйын 5 күнүгэр диэри сайабылыанньаларын прописканы учуоттаабакка суруйан, талбыт оскуолаларыгар туттарыахтарын сөп.
“Саха сиригэр оҕолору бастакы кылааска тутуу бастакы түһүмэҕэ түмүктэннэ. 11 тыһыынчаттан тахса оҕо оскуолаҕа киирэр буолла. Сайабылыанньа 94%-на “Госуслуги” порталынан киирдэ. Иккис түһүмэх от ыйын 1 күнүттэн саҕаламмыта. Бу түһүмэххэ төрөппүттэр сайабылыанньаларын прописканы учуоттаабакка талбыт оскуолаларыгар бириэхтэрин сөп. Миэстэ баар буоллаҕына, оҕону ылыахтара. Саамай улахан уочарат Дьокуускайга үөскээн турар. Ол да буоллар бастакы кылааска өссө да оҕолору ыла олорор оскуолалар бааллар. Тутуу хампаанньата балаҕан ыйын 5 күнүгэр түмүктэнэр”, – диэн СӨ үөрэххэ уонна билимҥэ миниистирэ Ньургууна Сколова сырдатта.
2025—2026 сс. үөрэх дьылыгар өрөспүүбүлүкэ 709 уһуйааныгар барыта 61 тыһыынчаттан тахса оҕо сылдьыбыта, 627 үөрэх тэрилтэтигэр, ол эбэтэр оскуолаҕа, 150 тыһыынчаттан тахса оҕо үөрэммитэ.
