2026 – 2027 үөрэх дьылыттан саҕалаан оскуолаҕа I кылааска үөрэнэ киирэр оҕолорго “дьиэҕэ үлэ” диэн суох буолуо. Ол туһунан РФ үөрэҕин миниистирин бирикээһэ таҕыста. Онон, оскуолаҕа саҥа үөрэнэ киирбит оҕолор дьиэтээҕи үлэни толоро сатаан бэйэлэрэ да эрэйдэммэт, төрөппүттэрин да сордообот буолуохтара.
Итини таһынан, үөрэх миниистирэ Сергей Кравцов 2027 с. балаҕан ыйыттан үөрэх саҥа ыстандаарда киирэрин, ол быһыытынан, улахан кылаастарга үөрэх бырагыраамата эмиэ уларыйарын сырдатта. Саҥа быраабыланан, үөрэнээччи биридимиэттэри барытын “базовай” таһымынан билэр буолла да сөп буолар, бу иннинэ улахан кылаас оҕотуттан хайаан да икки биридимиэти дириҥэтэн үөрэтии ирдэнэр этэ.
“Кыым”.
Хаартыска: hss.center
