СӨ Ил Дарханын уонна бырабыыталыстыбатын дьаһалтата Нерюнгри оройуонун уонна Анаабыр долгаан-эбэҥки национальнай улууһун баһылыктарын дуоһунастарыгар хандьыдааттары барыллаан көрөр бороссодуураны саҕалаата.
Этиилэри федеральнай испииһэгинэн Госдуумаҕа мандаат тыырытыгар хапсыбыт уонна билигин үлэлии олорор Ил Түмэҥҥэ баар баартыйалар, Өрөспүүбүлүкэ муниципальнай тэриллиилэрин сэбиэттэрэ, СӨ Уопсастыбаннай палаатата, “Олохтоох салайыныы сайдыытын Бүтүн Арассыыйатааҕы” ассоциация киллэриэхтэрин сөп.
Хас биирдии баартыйа-холбоһук Ил Дархан көрүүтүгэр биир хандьыдааты киллэриэн сөп. Хандьыдаат бэйэтэ биир эрэ баартыйаны-холбоһугу кытта үлэлэһэр бырааптаах.
Хандьыдааты киллэрэргэ маннык докумуоннары сыһыаран ыыталлар: хандьыдаат сөбүлэһэрин туһунан сайабылыанньа, пааспар куопуйата, үөрэҕин, үлэлиир сирин тустарынан докумуоннар, дохуотун уонна баайын-дуолун туһунан иһитиннэрии, сууттаммытын-сууттаматаҕын туһунан ыспыраапка, тус дааннайы обработкалыыр туһунан сөбүлэҥ, омук бааннарыгар счета суоҕун туһунан иһитиннэрии уонна аата-араспаанньата уларыйбыт буоллаҕына, ону туоһулуур докумуон. Өскөтүн хандьыдаат омук ааҕына эбэтэр омук ааҕыныгар хандьыдаат буоллаҕына, сайабылыанньаҕа ол туһунан булгуччу ыйыллыахтаах.
Докумуону муус устар 9—28 күннэригэр маннык аадырыска туталлар: Дьокуускай, Киров уул. 11 дьиэтэ, 13 хос.
Маннык нүөмэрдэргэ эрийэн сүбэлэһиэххитин сөп: 8 (4112) 508-213 (Афанасий Старостин) уонна 8 (4112) 508-341 (Елена Кузьмина).
Бу тэрээһин 33-ФЗ №-дээх Федеральнай уонна СӨ олохтоох бэйэни салайыныы туһунан сокуоннарын чэрчитинэн ыытыллар.
Бэй.кэр.
Хаартыска: Андрей Сорокин/СИА.
