Кулун тутар ый бүтүүтэ, муус устар ый саҕаланыыта Дьокуускайга 55 саҥа оптуобус кэлиэхтээх.
Бу туһунан, тохсунньу 11 күнүгэр, куорат уопсай мунньаҕар Дьокуускай куорат баһылыгын солбуйааччы Антон Алексеенко уокуруктааҕы дьаһалта телеграм-ханаалыгар иһитиннэрдэ. Саҥа оптуобустар Дьокуускайдааҕы пассажирскай тырааныспар хампаанньатыгар тиэрдиллиэхтэрэ.
Дьокуускай мэриятын пресс-сулууспата этэринэн, КАВЗ уонна «Вектор NEXT» ПАЗ диэн саҥа оптуобустары атыылаһыахтара. Бу тырааныспардар доруобуйаларыгар хааччахтаах дьону таһарга табыгастаах, хоту дойду усулуобуйатыгар эппиэттэһэр икки хос өстүөкүлэлээх, икки хос муосталаах, эбии ититиилээх, кондиционердаах уонна Саха АССР төрүттэммитэ 100 сылыгар аналлаах логотиптардаах буолуохтара.
Ааспыт сыл ахсынньы 20 күнүгэр, ЯПАК уонна «Сбербанк-лизинг» тэрилтэлэрэ 55 саҥа оптуобустары ылыыга лизинг дуогабарыгар илии баттаабыттар. Былааннанарынан, 40 тырааныспар куорат кытыытынааҕы морсурууттарга, 15 куорат иһинээҕилэргэ ананыа.
