Арассыыйа Судаарыстыбыннай Дууматын дьокутаата Сардаана Авксентьева бу күннэргэ Саха сиригэр, "Ыт боппуруоһун" быһаарса кэлиэҕэ. Ол туһунан кини бэйэтин социальнай ситимигэр суруйда.
Авксентьева бэлиэтээн туран эттэ: "Мин нэһилиэнньэни уонна уопсастыбынньыктары кытары көрсөн, дьон-сэргэ санаатын билиэм. Кыыл барбыт уойут-топпут бөдөҥ ыттар, хотугу тыйыс усулуобуйаҕа тута сиэмэхтэр ахсааннарыгар киирэллэр. Ол эрээри, биһиги бүтүннүү, аҥаардастыы кыдыйар эрэ туһунан толкуйдуо суохтаахпыт. Сөптөөх, быһаарыныылаах, ол эрээри кытаанах хардыылар наадалар. Туох да кэтэмэҕэйдээһинэ суох. Киһи олоҕо - бастакы миэстэҕэ".
Ахсынньы 17 күнүгэр Судаарыстыбыннай Дуумаҕа "Дьиэ харамайдарын кытта эппиэтинэстээх сыһыан" диэн федеральнай сокуоҥҥа уларыйыылары киллэрии туһунан саҥа сокуон бырайыагын киллэрсэргэ, Саха сириттэн төрүттээх икки дьокутаат Петр Аммосов уонна Сардаана Авксентева кыттыыны ылбыттара. Сокуон, ыттаах дьон харамайдарын дьаарбаталларыгар уонна көрөллөрүгэр-харайалларыгар кэккэ уларытыылары киллэрбитэ.
