Бүтэһик иһитиннэриинэн, 14 альпинист быыһанна, үс суорума суолланна, өссө икки киһи хайа чыпчаалыгар билигин да бааллар.
ТАСС иһитиннэрэринэн: Бэҕэһээ киэһэ, балаҕан ыйын 23 күнүгэр, Эльбрус хайатын үрдүгэр сылдьар, 19 киһи састаапатаах альпинист бөлөҕө, күн-дьыл туруга мөлтөөбүтүнэн сибээстээн, көмө көрдөспүттэр. Бөлөххө Арассыйа араас 11 эрэгиэниттэн, отуттарын ааспыт дьон мустубуттар. «Комсомольская правда» хаһыат сүппүт туристар испиэһэктэрин таһаарда. Кинилэр ортолоругар Саха сириттэн сылдьар 1985 сыллаах төрүөх – Анна Макарова. Кэлин, РЕН ТВ тэлэбиидэнньийэ ханаала тиэрдибитинэн, Анна Макарова өлбүттэр ахсааннарыгар киирдэ.
Альпинистар өлбүттэрин туһунан иһитиннэрии кэнниттэн, Арассыыйатааҕы эрэгийиэн СК-тэ, силисэстийэ иннинээҕи бэрэбиэркэлиир үлэтин саҕалаата.
