Саха сиригэр атырдьах ыйын 16 күнүттэн хоруона хамсыгын утары быһыыны ылбатах 249 үлэһити тохтоттулар. Кинилэр ортолоругар 69 судаарыстыбанай тэрилтэ лэһитэ, 29 муниципальный былаас уонна муниципальнай тэрилтэ үлэһитэ, 151 хаһаайыстыбаннай субъект үлэһиттэрэ. Бу хайысхаҕа үлэ өссө күүһүрэр.
Санатар буоллахха, өоөспүүбүлүкэҕэ от ыйын 13 күнүттэн сүрүн санитарнай быраас уурааҕынан, вакцинаны ылбатах чопчу тэрилтэ үлэһиттэрэ үлэлэриттэн туоратыллыахтаахтар.
Суһал ыстаап муньаҕар Айсен Николаев үлэни биэрээччилэр дьону туораталларыгар бар сокуоҥҥа олоҕурурохтаахтар диэн тоһоҕолоон эттэ. Ол урдук, быһыыны ылалларыттан босхоломмотох, ити ыйаахха киирбит тэрилтэ үлэһиттэрэ туоратыллыахтаатар.
Булгуччулаах быһыыны манык эйгэ үлэһиттэрэ ылыахтаахтар:
-
эргиэн;
-
кэрэ сэбэрэни оҥорор салоннар, СПА-салоннар, масаж салонара, солярийдар, баанньык, сауна, физультура-чэбдигирдэр комплекс үлэһиттэрэ, фитнес кулууп уонна бассейн;
-
бытовой өҥөлөрү оҥорооччулар, ол иһигэр таҥас сууйааччылар, химчистка, баттах кырыйааччылар уонна маныаха майгыныыр өҥөлөрү оҥорор эйгэ үлэһиттэрэ;
-
уопсастыбаннай ас;
-
үп тэрилтэлэригэр клиеннэри кытары үлэлэһэр салаа, почта үлэһитэрэ, МФЦ уонна да атын судаарыстыбаннай уонна муниципальнай өҥөнү оҥорор үлэһиттэр;
-
үөрэх, доруобуйа харыстабылын, социальнай харалта үлэһиттэрэ;
-
култуурунай, быыстапкалыыр, сырдатар тэрээһиннэр үлэһиттэрэ (түмэл, быыстапка саалаларын, бибилэтиэкэрдэр, лиэксийэлэри уонна трениннэри ыытааччылар);
-
оҕо оонньуур хостору, оҕолору саататар киин, лааҕыр, паарка, ТРК уонна да атын оҕолор мустар тэрилтэлэрин үлэһиттэрэ;
-
тыйаатыр, киинэ тыйаатырын, кулууп үлэһиттэрэ;
-
судаарыстыбаннай уона муниципальнай былаас үлэһиттэрэ уонна кинилэргэ бэринэр тэрилтэлэр.
