Маннык быһаарыы ылыныы, хамсыгынан ыарыйбыт дьон ахсаана лаппа үрдээбитинэн сибээстээх, диэн бэлиэтээтилэр министиэристибэҕэ.
Москва уонна Московскай уобалас ректордарын Сэбиэттэрэ, үөрэххэ хамсыктан быһыыны эрэ ылбыт устудьуоннар киллэрэргэ көҥүллүүргэ диэн сүбэлэрэ, эрэгийиэҥҥэ хамсыгынын ыалдьыбыт дьон ахсаана лаппа элбээбиттэринэн сибээстээн харда буолла. Үрдүк үөрэх салайааччылара маннык быһаарыныылары ылынар бырааптаахтар. Ол туһунан ТАСС-ка иһитиннэрдилэр Арассыыйа Федерациятын Үөрэҕириитин уонна Билимин министиэристибэтин пресс-сулууспатыттан.
«Үрдүк үөрэхтэр салалталара сыстыганнаах ыарыы өрө турар кэмигэр, бэйэлэрэ көрүүлэринэн үөрэх эйгэтэ куттала суох буолуутун туһугар, бэйэлэрин көрүүлэригэр миэрэ ылыахтарын сөп. Маннык быһаарыныыны ылыналларыгар, дойдуга эпидемия балаһыаннньатын учуоттуохтаахтар. Бу сүбэлэри киллэрии, Московскай уобаласка хамсыгынан ыалдьыбыт дьон ахсаана эмискэ үрдээбитинэн төрүөттэммит. Үөрэх эйгэтигэр сылдьар дьоҥҥо доруобуйаларыгар туох да кутттал суох буолуутун –биһиги бастакы уочарат хааччыйыахтаахпыт, үөрэх, билии биэриитин хаачыстыбатын сүтэрбэт туһуттан», - диэн иһитиннэрдэ пресс-сулууспа бэрэстэбиитэлэ.
Бу иннигэр даҕаны, Москва уонна Московскай уобалас ректордарын Сэбиэттэрэ дойду киинин үрдүк үөрэхтэрин кыһаларыгар саҥа үөрэх дьылын уратытык саҕалыырга сүбэ киллэрэ сылдьыбыта. Ол эбэтэр күнүскү үөрэх дьарыктарыгар хамсыгы утары быһыыны ылбыт эрэ устудьуоннары киллэрэргэ, биитэр эрдэ ыалдьа сылдьыбыт, этигэр-хааныгар ыарыыны утарар эттиктэр баалларын тустарынан ыспараапкалаах эрэ устудьуоннары үөрэнэллэрин көҥүллүүргэ. Онтон атыттарга онлайн эрэ дьарыктары тэрийэргэ.
