Социальнай ситимнэргэ "Саха сирэ хоруона хамсыгыттан дьон өлүүтүнэн инники күөҥҥэ сылдьар" диэн иһитиннэрии тилийэ көппүтэ. Ону доруобуйа харыстабылын министиэристибэтэ "туос сымыйа" диир.
"Киһи өлүүтүн көрдөрүүтүн 100 тыһ. нэһилиэнньэҕэ үллэрэллэр, ол көрдөрүү биһиэхэ 1,49 бырыһыан. Ити — тохсунньу 20 күнүнээҕи туругунан. Манна саҥа коронавирус инфекциятыттан уонна "внебольничная пневмония" диагнозтаг өлбүт дьон киирэ сылдьар. Уопсайа,кулун тутартан, хамсык саҕаланыаҕыттан ыла өрөспүүбүлүкэҕэ 29177 киһи ыалдьыбыт, хомойуох иһин, 432 киһи бу дьаҥы кыайбака олохтон туораабыт. Биһиги эрэгийиэммит хоруона хамсыгыттан дьон өлүүтүн көрдөрүүтүгэр куруук бүтэһик сылдьыбыта, оннук буолуон эрэ наада", - диэн министиэристибэҕэ иһитиннэрдилэр.
Арассыыйаҕа коронирустан саамай элбэх киһи Ямал-Ненец уокуругар, Санкт Петербурга уонна Москубаҕа өлбүт.
