От ыйын 20 күнүгэр Нерюнгри оройуонун Беркакит бөһүөлэгэр хаһаайыстыбаннай тутуу умайбытын түмүгэр, 30 куурусса уонна түөрт сибиинньэ тыыннаахтыы умайда. Алта сибиинньэни быыһаатылар. Ол туһунан ЫБММ иһитиннэрэр.
Бааһаный хаһаайыстыба территориятыгар уот турбутун туһунан иһитиннэрии сарсыарда сэттэ аҥаар чаас саҕана киирбит. Быһылаан буолбут сиригэр МЧС 4-с баһаарынай-быыһыыр этэрээтин байыастара тиийэн үлэлээбиттэр.
Уот барыта 456 кв. м иэннээх тутууну күл-көмөр оҥорбут. Баһаары умулларарга 13 киһи уонна 3 массыына үлэлээбит. Баһаар тоҕо, туохтан сылтаан буолбутун, хоромньу сууматын чинчийэ-ааҕа сылдьаллар.
Бэй.кэр.
Хаартыска: МЧС
