Светофордары сааһылааһын тестовай эрэһиим быһыытынан, Лермонтов аатынан уулуссаттан Вилюйскай туорааһыҥҥа дылы киллэриллиэҕэ.
Муус устар 15 күнүттэн ыам ыйын 10 күнүгэр диэри Дьокуускайга светофордары сааһылыыр «Зеленая волна» систиэмэ тестовай эрэһиимҥэ үлэлиэҕэ. Дьокуускайдааҕы көлөҕө уонна суол хаһаайыстыбатыгар сулууспата иһитиннэрэринэн, бу саҥа ньыма Лермонтов аатынан уулуссаттан Красильников уулуссатыгар дылы уонна Вилюйскай туорааһыҥҥа диэри сири хабыаҕа. «Зеленая волна» эрэһиимигэр суолга табыгастаахтык айанныыр туһуттан, орто түргэнинэн — чааска 40 килэмиэтир түргэннээх айанныырга сүбэлииллэр.
Боруобалыыр кэм бүтүүтэ исписэлиистэр үлэ хаачыстыбатын ырытыахтара уонна наада буоллаҕына, суол хамсааһынын тэрийиигэ көннөрүүлэри киллэриэхтэрэ.
«Зеленая волна» — светофордары сааһылыыр систиэмэ. Массыына сүүрээнин кытта тэҥҥэ сөптөөх кэмҥэ светофордарга күөх уот умайар. Бу ньыма суоппардарга суол учаастагын тохтобула суох ааһарга, суол мунньустуутун, айан кэмин уонна саахал ахсаанын аҕыйатарга көмөлөһөр.
Хаартыска: ИИ оҥордо
