Халлаан эмискэ сылыйбытынан, өрөпүүбүлүкэ кыһыҥҥы муус суолларын уйугун бэрт суһаллык кыччатан эрэллэр.
Халлаан ким да билгэлээбэтэҕин курдук соһуччу уонна бэрт түргэнник сылыйан, өрүһү туоруур суоллар уутуйаннар, “Бүлүү” уонна “Халыма” федеральнай суолларга кэмин иннинэ 30 туоннаҕа диэри хааччаҕы киллэрдилэр.
Онон, Дьокуускай – Аллараа Бэстээх, Хаандыга – Мэҥэ Алдан, Үөһээ Бүлүү, Күндээдэ, Уустуйа уонна Кириэстээх бөһүөлэктир анныларынан Өлүөнэ, Алдан уонна Бүлүү эбэлэри 30 туоннаттан ыарахан ыйааһыннаах тиэхиньикэ туоруура бобулунна. Уоран туораабыт киһини соһо сылдьан сууттууллара, ырыган кумааһынньык ындыбат ыар ыстараабын ыйыыллара күүтүллэр.
Ити туһунан СӨ көлөҕө уонна суол-иис хаһаайыстыбатыгар министиэристибэтэ иһитиннэрэр.
Бэй.кэр.
Хаартыска: көлө министиэристибэтэ.
