Бу сыл бэс ыйын 21 күнэ оптуорунньукка түбэһэр.
Бэс ыйыгар Саха сирин олохтоохторо үөрүөх тустаахтар – эбии икки өрөбүл баар буолуо. Ол курдук, бэс ыйын 12 күнүгэр Арассыыйа күнэ бэлиэтэнэр, оттон бэс ыйын 21 күнэ – саха норуотун төрүт бырааһынньыга Ыһыах күнэ.
Бэс ыйын 11 күнэ субуота, оттон 12-с күнэ баскыһыанньа буоларын иһин, 13-с чыыһыла өрөбүлүнэн ааҕыллар. Инньэ гынан, Саха сирин олохтоохторо ый ортотугар супту үс күн сынньаныахтара.
Санатар буоллахха, Саха сиринээҕи «Саха Өрөспүүбүлүкэтигэр эбии бырааһынньыктааҕы өрөбүл күннэрин туһунан» сокуоҥҥа тирэҕирэн, судаарыстыбаннай былаас уорганнарыгар уонна өрөспүүбүлүкэ судаарыстыбаннай тэрилтэлэригэр Бэс ыйын 21 күнэ – өрөбүл.
Cонун төрдө: SAKHAPRESS
