Бу күннээҕи туругунан, Саха сиригэр барыта 37 710,33 туонна үүт ыаммыт. Ол эбэтэр бу сыллааҕы былаана 69,3%-на туолбут. Ол туһунан, үгэс курдук, тыа хаһаайыстыбатын министиэристибэтэ иһитиннэрэр.
Быйыл былырыын баччатааҕы көрдөрүүнү 18,4 туоннанан куоһаран иһэбит. Бастыҥ көрдөрүүлээх улуустар манныктар: Мэҥэ Хаҥалас – 4 175,98 туонна, Сунтаар – 4 117,07 туонна, Чурапчы – 3 240,16 туонна, Хаҥалас – 3 033,52 туонна, Амма – 2 836,29 туонна, Бүлүү – 2 785,30 туонна, Ньурба – 2 478,58 туонна.
Улуустарга уонна куорат уокуруктарыгар ыытыллыбыт сүүмэрдээһин түмүгүнэн, Саха сиригэр үүтү 56 соҕотуопкалыыр тэрилтэ тута олорор.
Ил Дархан уонна бырабыыталыстыба пресс-сулууспата.
Хаартыска: sakhalife.ru
