Саха сиригэр 2027 сыл бүтүөр диэри 2017 сыл тохсунньу 1 күнүгэр диэри хаарбах туруктааҕынан билиниллибит дьиэлэртэн 6 тыһыынчаттан тахса киһини көһөрөр былааннанар диэн Саха сирин тутууга министиэристибэтэ иһитиннэрдэ.
Биэдэмистибэҕэ бэлиэтээбиттэринэн, бу сыалга өрөспүүбүлүкэҕэ Сири-уоту сайыннарыы пуондатыттан (Фонд развития территорий) эбии үбүлээһин көрүллүбүт. Федеральнай өйөбүл кээмэйэ 2026 сылга 12,5 миллиард солк. тэҥнэһиэҕэ дииллэр.
Билигин 2026-2027 сылларга 116 тыһыынча квадратнай миэтирэ иэннээх хаарбах дьиэни көһөрөр былаан турар. Урут үбүлээһин тиийбэтинэн сылтаан бырагыраамаҕа киирбэккэ сылдьыбыт өрөспүүбүлүкэ 6190-тан тахса олохтооҕо саҥа кыбартыыралары ылыахтара. Онон 2027 сыл бүтүүтэ өрөспүүбүлүкэҕэ 2017 сыл тохсунньу 1 күнүгэр диэри хаарбах пуондаҕа киирбит дьиэлэр толору көһөрүллүөхтэрэ. Санатан эттэххэ, 2019 сылтан 2025 сылга диэри Саха сиригэр уопсайа 54 тыһыынчаттан тахса киһи саҥа дьиэҕэ-уокка көстө, ону кытта 1 миллион кэриҥэ квадратнай миэтирэ иэннээх хаарбах дьиэ босхолонно.
Kyym.ru
Хаартыска: Аан ситимтэн.
