Бүлүү улууһун олохтоохторо аан бастакытын кыыл сылдьар бизоннары көрөн соһуйдулар. Ол туһунан Биология ресурсатын дириэксийэтэ иһитиннэрэр.
“Ааспыт нэдиэлэҕэ, атырдьах ыйын 6—7 күннэригэр, Бүлүү улууһун Лөкөчөөн бөһүөлэгиттэн 6 килэмиэтирдээх сиргэ, Эмис сайылык таһыгар, олохтоохтор үс бизону көрдүлэр”, – диэн дириэксийэ суруйар.
“Тыымпынай” питомник салайааччыта Андрей Александров эппитинэн, ити үс атыыр ааспыт кыһын Горнай уонна Бүлүү быыһыгар Куудук диэн сиргэ кыстаабыттар үһү. Олор Саха сирин устуоруйатыгар аан бастакытын Бүлүү сиригэр айаннаан тиийбиттэр.
Бизоннары Саха сиригэр бастаан 2006 с. аҕалбыттара. Сүрүннээн Горнай, Өлүөхүмэ уонна Хаҥалас улуустарыгар бааллар. Саамай элбэх бизон Горнайга Сиинэ үрэх тардыытыгар турар. Бүлүү Лөкөчөөнүгэр үрэҕэ бата тиийбиттэр.
Санаттахха, былырыын кыыл бизоннары Үөһээ Бүлүү Туобуйатын отчуттара көрөн соһуйбаттара.
