Атырдьах ыйын 6 күнүттэн “Туйдаама-ньиэп” хампаанньа Дьокуускайга сэлээркэни уу харчынан да, баан каартатынан да туох хааччаҕа, кээмэйэ суох атыылаан эрэр. Ол гынан баран, Покровскайдыыр суолга турар сапыраапкаҕа эрэ.
“Атырдьах ыйын 6 күнүттэн Покровскайдыыр суолга сурар сапыраапкабытыгар сэлээркэни туох да хааччаҕа суох атыылаан эрэбит. Уматыгы туохха барытыгар куттан барыахха сөп”, – диэн хампаанньа бэрэстэбиитэлэ СИА-ҕа кэпсээбит.
Итини таһынан, хампаанньа бэрэстэбиитэлэ тэрилтэ салалта сэлээркэни бары сапыраапкаҕа хааччаҕа суох атыылыырга соруйбутун эппит эрээри, ол билиҥҥитэ кыалла илик үһү.
“Сэлээркэни бары сапыраапкаҕа хааччаҕа суох атыылыырга программистарбыт үлэлэһэ олороллор. Төлөбүр тиһигин оҥороллор. Кыратык кэтэһэ түһүөххэ наада. Бүгүн-сарсын быһаарыллыа дии саныыбыт”, – диэбит бэрэстэбиитэл.
Санаттахха, “Туймаада-ньиэп” сэлээркэ атыытын от ыйын саҥатыгар хааччахтаабыта – судаарыстыба хантараагын чэрчитинэн уматык каарталарынан эрэ биэрэллэрэ. Бэнсиини билигин даҕаны оннук атыылыы олороллор.
Билигин сэлээркэ көҥүллүк “СибОйлга” эрэ атыыланар. “Саханефтегазсбыт” эмиэ атыылыыр эрээри, биэс сапыраапкаҕа 50-нуу лиитэрэни кутар.
