Атырдьах ыйын 7 күнүгэр Дьокуускайга Доҕордоһуу болуоссатыгар өрөспүүбүлүкэ орто үөрэҕин кыһаларын дьаарбаҥката буолуоҕа. Манна өрөспүүбүлүкэ 15 улууһуттан 32 орто үөрэх кыһата кэлэн абитуриеннартан докумуону тутуоҕа.
Сарсыарда 10.00 чаастан киэһэ 17.00 чааска диэри Доҕордоһуу болуоссатыгар Саха сирин колледжтара уонна техникумнара бары мустуохтара. Ол иһигэр хотугу улуустар үөрэхтэрин кыһалара кэлиэхтэрэ. Хас биирдии киһи үөрэх кыһаларын бэрэстэбиитэллэрин кытта сирэй көрсөн кэпсэтиэ, баҕалаах үөрэхтэригэр докумуонун туттарыа.
Докумуон туттарар абитуриент булгуччу пааспардаах, оскуоланы бүтэрбитин туоһулуур ачастааттаах уонна 3х4 кээмэйдээх хаартыскалаах буолуохтаах.
Бэй.кэр.
Хаартыска: СИА
