Саха сиригэр 32 556,7 туонна үүт ыанна. Ол эбэтэр сыллааҕы былаан 54,4%-на туолбутун туһунан Тыа хаһаайыстыбатын министиэристибэтэ иһитиннэрэр. Бу күннээҕи туругунан, былырыын баччатааҕы көрдөрүүнү 26,8 туоннанан куоһаран иһэбит.
Билигин үүтү 56 соҕотуопкалыыр тэрилтэ тута олорор. Сыллааҕы былааны толорууга маннык улуустар үчүгэй көрдөрүүлээх иһэллэр: Өлүөхүмэ – 71,4%, Ленскэй – 69,9%, Сунтаар – 66,1%, Мииринэй – 62,5%, Мэҥэ Хаҥалас – 60,5% уонна Бүлүү – 57,7%.
Үүт аһы оҥорон таһаарарга уонна бэлэмнииргэ бүддьүөттэн 3,7 млрд солк. көрүллүбүтэ. 65,7 тыһ. туонна былааннаммыт үүтү бэлэмнииргэ судаарыстыба бырагырааматынан 4,6 млрд солк. субвенция бигэргэммитэ. Муниципальнай уонна куорат уокуруктарыгар 2,1 млрд солк., ол эбэтэр сыллааҕы үбүлээһин 58%-на, тиэрдиллибит.
