От ыйын 30 күнүгэр Таатта Харбалааҕар Амма өрүскэ 28 чыыһылаҕа түҥнэстибит мотуордаах оҥочоттон түспүт икки эр киһи өлүгүн буллулар. Ол туһунан Саха сирин быыһыыр сулууспата суруйар.
Барыллаан этэллэринэн, арыгы испит үс эр киһи оттоон кэлэн испиттэр. Билиҥҥитэ быһаарылла илик төрүөтүнэн мотуордаах оҥочо өрүһү туораан иһэн түҥнэстибит. Биир эрэ киһи тыыннаах ордубут.
Биир киһини быыһааччылар бу сарсыарда өрүс түгэҕэр икки миэтэрэ дириҥҥэ сытарын көрдөөн булбуттар. Тыыта аттыгар баара эбитэ үһү. Оттон иккис сүппүт киһини чаас аҥаара буолан баран, оттуу баран испит дьон быһыылаан буолбут түөлбэтиттэн икки килэмиэтирдээх сиртэн алҕас булбуттар.
Таатта улууһун көрдүүр-быыһыыр этэрээтин салайааччыта Максим Большаков иһитиннэрбинэн, өлүөхсүттэр Нам уонна Орто Халыма улуустарыттан быстах үлэлии диэн кэдэн баран суорума суолламмыттар. Биирэ – оттуу, иккиһэ – хотон тутуутугар.
