От ыйын 29 күнүнээҕи туругунан, Саха сиригэр 80,8 тыһыынча туонна уматык айаннаан иһэр. Өрөспүүбүлүкэҕэ тимир уонна уу суолларынан биирдэн биир баартыйа уматык кэлэ турар. Ол туһунан СӨ гражданской оборуонаҕа миниистирин солбуйаачыта Никита Павлов сырдатар.
“Чопчулаан эттэххэ, “Саханефтегазсбыт” АУо тэрилтэҕэ АИ-95 мааркалаах бэнсиини тиэммит 23 богуон, ол эбэтэр барыта 1413 туонна уматык, кэлиэхтээх. Бүгүн уонна сарсын 5 богуон бэнсиини уонна 38 богуон сэлээркэни тутуохтаахтар. Өссө 2600 туонна сэлээркэ Уус Куттан уунан айаннаан иһэр”, – диир Н.Павлов.
Санаттахха, Саха сиригэр уматык боппуруоһун сүрүннүүр суһал ыстаап тэриллэн турар.
Бэй.кэр.
Хаартыска: sun4-17.userapi.com
