Бырабыыталыстыба бэрэссэдээтэлэ Кирилл Бычков Суордаахха уонна Дулҕалаахха сылдьан баран, Үөһээ Дьааҥы халаантан эмсэҕэлээбит нэһилиэктэригэр оттук дьылын эрдэ саҕалыырга соруйда.
Өрөспүүбүлүкэ салалта онно тиийэ олохтоохтору кытта көрүстэ, социальнай эбийиэктэри көрдө-иһиттэ, ыксаллаах быһыы-майгы содулун туоратар туһунан мунньахтаата.
Итини таһынан, ходуһалар ууга барбыттарынан, сүөһүлээх-астаах ыаллары отунунан хааччыйарга, аадырыстаах көмөнү оҥорор туһугар, устудьуоннар тутар этэрээттэрин аҕалан үлэлэтэргэ, Суордаах уонна Дулҕалаах оҕолорун Дьокуускайдааҕы оҕо тэрилтэлэригэр сынньатарга дьаһайдылар.
Бэй.кэр.
Хаартыска: МЧС
