От ыйын 28 күнүнээҕи туругунан, Саха сиригэр тимир суолунан уонна өрүһүнэн бэнсиин уонна сэлээркэ саҥа баартыйата айаннаан иһэр. “Саханефтегазсбыт” тэрилтэҕэ тимир суолунан Томмоттооҕу ыстаансыйаҕа АИ-95 мааркалаах бэнсиин уонна сэлээркэ кэлиэхтээх. Аллараа Бэстээхтээҕи ньиэп базатыгар уматыгы Саха сиринээҕи ньиэп базатыттан массыыналарынан аҕалыахтара. Уматыгы Уус Кукка номнуо приемкалаан эрэллэр.
Итини таһынан, Уус Кукка өссө саҥа баартыйа АИ-92, АИ-95 мааркалаах бэнсииннэри уонна сэлээркэни Саха сиригэр ыытаары бэлэмнээн тураллар.
Атын хампаанньаларга уматык эмиэ айаннаан иһэр. Холобур, АИ-92, АИ-95 бэнсиини, сэлээркэни уонна авиационнай уматыгы тиэммит богуоннар “Туймаада-ньиэп” Аллараа Бэстээхтээҕи ыстаансыйатыгар кэлиэхтээхтэр. Айаннаан иһэллэр. “СибОйлга” эмиэ уматык кэлиэхтээх.
