Кэлиҥҥи чахчыларынан, Саха сиригэр барыта 16 312 гаа иэннээх ходуһа охсулунна, 6 975 туонна от кэбиһилиннэ. Ол туһунан тыа хаһаайыстыбатын министиэристибэтэ иһитиннэрдэ.
От үлэтигэр барыта 7 914 киһилээх 2 757 звено үлэлии сылдьар. Ходуһаларга 852 толору мех-звено, 1 138 полумех-звено, 16 ат-илии звенота уонна 751 илии звенота үлэлии сылдьар. 3 223 араас тыраахтар от охсор, мунньар уонна кэбиһэр.
Бу сыллааҕы былаан быһыытынан, өрөспүүбүлкэ үрдүнэн барыта 423 700 туонна от кэбиһиллиэхтээх, 29 900 туонна сиилэс угуллуохтах уонна 14 750 туонна сенаж бэлэмнэниэхтээх. Ол гынан баран, бу күннэргэ үөскээн турар уу-хаар балаһыанньатыттан сылтаан, Саха сирин аргарийдара 402 400 туонна оту кэбиһэр былааннаахтар. Ол эбэтэр, бу сыллааҕы былаан 95%-нын ситиһиэххэ наада.
Санатахха, өрөспүүбүлүкэҕэ сүөһү аһылыгын бэлэмнииргэ суһал ыстаап тэриллэн турар. Улуустар ону кытта күннэтэ билсэ олороллор.
