От ыйын 21 күнүнээҕи туругунан, Саха сиригэр 1 621 туонна от кэбиһиллибитин туһунан Тыа хаһаайыстыбатын министиэристибэтэ иһитиннэр.
От хампаанньата былаан быһыытынан баран иһэр. Кэккэ боппуруостары быһаарарга үлэни-хамнаһы сүрүннүүр ыстааптар тэриллибиттэр, улуус баһылыктара уонна тыа хаһаайыстыбатын управлениеларын салайааччылара нэдиэлэ көппөххө мунньахтыыллар.
Окко барыта 3 632 киһилээх 1 440 звено тахсан үлэлии сылдьар. Онтон 448-һа – мехзвено, 605-һэ – полумех, 3-һэ – аттаах-илии звенота уонна 384-дэ – илии звенота. Бүгүҥҥү туругунан, өрөспүүбүлүкэ үрдүнэн 1 406 тыраахтар үлэлиир. 2 840 гаа иэннээх ходуһа охсуллан сытар.
Быйыл барыта 423 700 туонна от, 29 900 туонна сиилэс, 14 750 туонна сенаж бэлэмнэниэхтээх.
Бэй.кэр.
Хаартыска: УлуусМедиа
