Дьокуускай саҥа мээрэ Дмитрий Садовников солотугар киирээт, бүгүн Ил Дархан Айсен Николаевтыын тута киин куорат араас түөлбэлэрин кэрийэн көрдүлэр, балаһыанньаны билистилэр. Ол туһунан Ил Дархан социальнай ситимигэр суруйбут.
Бастатан туран, аэропорт түөлбэтигэр сылдьан эргэ, көтүрүллүбүт дьиэлэр оннуларыгар тутуллуохтаах Дьокуускайдааҕы авиационнай училище туруохтаах сирин көрдүлэр. Ил Дархан Өрөспүүбүлүкэтээҕи ипотека ааҕыныстыбатын кытта тутуу ыытыллыахтаах сирин босхолуу охсорго соруйда.
Итини сэргэ онтон чугас турар Юрий Гагарин искибиэрин өҥөйөн аастылар. Ити искибиэри тупсарарга олохтоохтор бэйэлэрэ көҕүлээбиттэрэ. Бырайыак куоластааһыны ааспыта. Олоххо киирдэр эрэ, саҥа аллеялар, оҕо былаһааккалара, быыстапка тэрийэр түһүлгэлэр баар буолуохтаахтар. Ону сэргэ АлСиб лүөччүктэригэр анаммыт мемориал сэргэхсийиэхтээх. Үлэ-хамнас барыта балаҕан ыйыгар Куорат күнүн саҕана түмүктэниэхтээх.
Ити сырыы кэмигэр Ил Дарханнаах саҥа баһылык социальнай эбийиэктэри уонна оҥоһулла турар суоллары көрдүлэр.
